މި މަސައްކަތުގެ ތެރޭގައި ސަރުކާރުގެ މަޝްރޫއުތަކުގައި ބޭނުންކުރާ އިލެކްޓްރޯނިކް އާލާތްތައް ހަކަތަރި ޕްރޮގްރާމްގެ ދަށުން ހޯދުން ހިމެނެއެވެ.
އެންވައިރަންމެންޓް މިނިސްޓަރު ތާރިގު އިބްރާހީމް ވިދާޅުވި ގޮތުގައި މި މަސައްކަތުގެ ތެރެއިން ޕަބްލިކް ޕްރޮކިއުމަންޓް ގަވާއިދަށް ބަދަލުތަކެއް ގެނެސް، ސަރުކާރުން ގަންނަ ހުރިހާ އިލެކްޓްރޯނިކް އާލާތްތަކަކީ ހަކަތަ ސަމަކާރަކުރާ އާލާތްތަކަށް ހެދުމަށް ވަނީ ނިންމާފައެވެ. މިކަމުގެ ސަބަބުން ދައުލަތުން ކަރަންޓު އުފެއްދުމަށް ހޭދަކުރާ މިންވަރު ދަށްކުރެވޭނެކަމަށް މިނިސްޓަރު ވިދާޅުވިއެވެ.
މިހާރު ހަކަތަރި ޕްރޮގްރާމްގެ ދަށުން ރާއްޖެއަށް 71 މޮޑެލްގެ އިލެކްޓްރޯނިކް މުދާ އެތެރެކުރެވެމުންދާއިރު، ކުރިއަށް އޮތް ތަނުގައި މި ޕްރޮގްރާމް ޕްރައިވެޓް ސެކްޓަރއަށްވެސް ތަންފީޒުކުރުމަކީ ސަރުކާރުގެ އަމާޒެއްކަމަށް މިނިސްޓަރު ވިދާޅުވިއެވެ.
މި މަސައްކަތްތަކަކީ ރައީސުލްޖުމްހޫރިއްޔާގެ ވައުދުފުޅެއްކަމަށްވާ ރާއްޖޭގައި އުފައްދާ ހަކަތައިގެ 33 ޕަސަންޓު އިޔާދަކުރަނިވި ހަކަތައަށް ބަދަލުކުރުމުގެ އަމާޒަށް ވާސިލުވުމަށް އެޅޭ މުހިންމު ފިޔަވަޅުތަކެއްކަމަށް މިނިސްޓަރު ފާހަގަކުރެއްވިއެވެ.
- ޕަބްލިކް ޕްރޮކިއުމަންޓް ގަވާއިދަށް ބަދަލު ގެނެވޭ
- މިހާރު 71 މޮޑެލްގެ އިލެކްޓްރޯނިކް މުދާ ރާއްޖެ އެތެރެކުރެވޭ
- ޕްރައިވެޓް ސެކްޓަރއަށް ޕްރޮގްރާމް ފުޅާކުރުމަށް ރޭވިފައިވޭ
- ދައުލަތުގެ ހަކަތައިގެ 33 ޕަސަންޓު އިޔާދަކުރަނިވި ހަކަތައަށް ބަދަލުކުރުމަކީ ރައީސްގެ ވައުދެއް
