ރައީސް މިއަދު ވަނީ ރ އަތޮޅަށް ކުރައްވާ ރަސްމީ ދަތުރުފުޅު ފައްޓަވާފައެވެ. ރައީސް މިހެން ވިދާޅުވީ އަތޮޅުގެ ފުރަތަމަ މަންޒިލް ކަމަށްވާ ވާދޫއަށް ވަޑައިގެން އެރަށު ރައްޔިތުންނާ ބައްދަލުކޮށް ވާހަކަދައްކަވަމުންނެވެ.
ރައީސް މުއިއްޒު ވަނީ ގައުމީ ފެންވަރެއްގައި ކަނޑައަޅާފައި އޮތް އަމާޒު ކަމަށްވާ، 2028 ވަނަ އަހަރު އަންނަ އިރަށް މުޅި ރާއްޖޭގައި ކަރަންޓުގެ ހިދުމަތް ދިނުމުގައި އިއާދަކުރަނިވި ހަކަތަ ބޭނުންކޮށްގެން މަދުވެގެން 3 ބައިކުޅަ އެއްބާ ހިދުމަތްދޭން ނުވަތަ އިއާދަކުރަނިވި ހަކަތައިން ހިނގޭވަރަށް 33 އިންސައްތަ ގާއިމްކުރަން ނިންމާފައިވަކަން ފާހަގަކޮށްފައެވެ.
ވާދޫ ރައްޔިތުން ބޭނުންވާނަމަ ދެކެން ބޭނުންވަނީ ކުރިއަށް އޮތް 4 އަހަރު ނިމިގެން ދާއިރު ރަށަކީ މޮޑަލް ރަށަކަށް ހަދައި މުޅި ރަށް އެއްކޮށް އިއާދަކުރަނިވި ހަކަތައިން ހިންގާ ރަށަކަށް ހެދުން ކަމުގައި ރައީސް ވިދާޅުވިއެވެ. އަދި އެކަން އެގޮތަށް ބޭނުންވާނަަމަ ވާދޫ ރައްޔިތުން އެންވަޔަރަމަންޓް މިނިސްޓާ، ފިނޭންސް މިނިސްޓާ ރަށުގެ ކައުންސިލާ ގުޅިގެން ، ރައްޔިތުން އަދި މުއައްސަަސާތަކާ ގުޅިގެން ކުރެވިގެންދާނެ ކަމަށާއި އެއީ ވަރަށް ދެކެން ބޭނުން ކަމެއް ކަމަށްވެސް ރައީސް ވިދާޅުވިއެވެ.
