އެމަނިކުފާނުން މިކަން އިއުލާންކުރެއްވީ މިހާރު ރ. އަތޮޅަށް ކުރައްވަމުން ގެންދަވާ ދަތުރުފުޅުގައި އެ އަތޮޅު އިންނަމާދޫ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުންނެވެ.
އޮޑި ބަނުމުގެ މަސައްކަތް އެންމެ ފުޅާކޮށް ރާއްޖޭގައި ކުރާ އެއް ރަށަކީ އިންނަމާދޫކަން ފާހަގަކުރައްވާ ވާހަކަ ދައްކަވަމުން ރައީސް ވިދާޅުވީ އެ މަސައްކަތް ކުރާ ދިވެހިންނަށް ލުއިތަކެއް ހޯދައިދިނުމަށް ސަރުކާރުން ސިޔާސަތުތަކެއް ކަނޑައަޅުއްވާފައިވާކަމަށެވެ.
އިންނަމާދޫ ރައްޔިތުންނާއި ބައްދަލުކުރައްވާ ރައީސް މުއިއްޒު ވާހަކަ ދައްކަވަނީ
އިންނަމާދޫ އިސް ވަޑިންނާއި ބައްދަލުކުރެއްވުމުން އެމީހުންގެ އެންމެ ބޮޑު ކަންބޮޑުވުމަކީ އެ މަސައްކަތްތައް ބޭނުންވާ ފައިސާގެ ދަތިކަންކަން އޮޑިވެރިން ފާހަގަކުރިކަމަށް ރައީސް ވިދާޅުވިއެވެ. އަދި އޮޑިވެރިންނާއި އެކު ކުރެވުނު މަޝްވަރާތަކުގެ އަލީގައި ދެކަމެއް ކުރަން ސަރުކާރުން ނިންމަވާ އެކަންކަން މިރޭ ރައީސް ވަނީ އިއުލާން ކުރައްވާފައެވެ.
ދެވަނަ ކަމަކަށް ރައީސް އިއުލާން ކުރެއްވީ އޮޑި ބަނުމުގެ ދާއިރާއަށް ދިވެހިން ނެރުމަށް ސަރުކާރުން ނިންމަވާފައިވާ ސިޔާސަތެވެ. އެގޮތުން އިންނަމާދޫގައި އޮޑި ބަނުމަށް ދިވެހިން ތަމްރީނުކުރަން ނިންމާފައިވާކަން ރައީސް އިއުލާން ކުރެއްވިއެވެ.
ރައީސް ވިދާޅުވީ އޮޑި ބަނުމުގެ ދާއިރާގައި ބޭރު މީހުން ގެންގުޅެން ބޭނުން ނުވާކަމަށެވެ. އަދި އެއީ ސަރުކާރުގެ ސިޔާސަތެއްކަމަށްވެސް އެމަނިކުފާނު ވިދާޅުވިއެވެ.
