މީގެ ކުރިން ޕާސްޕޯޓު ދޫކުރަމުން ދިއައީ ހަމައެކަނި ރަސްމީ ދުވަސްތަކުގައި އެކަންޏެވެ.
އިމިގްރޭޝަނުން ބުނީ މާދަމާއިން ފެށިގެން ހުކުރު ދުވަސް ފިޔަވާ ކޮންމެ ދުވަހަކު މާލޭގެ ތިން ތަނަކުން ޕާސްޕޯޓް ދޫކުރަމުން ގެންދާނެކަމަށެވެ. އެއީ ވެލާނާގޭގައި ހުންނަ މައި އޮފީހުންނާއި ހުޅުމާލެ ފޭސް އެއްކެއްގެ އުމަރު ޒާހިރު ބިލްޑިންގައި ހުންނަ އޮފީހާއި ހުޅުމާލޭ ފޭސް ދޭއްގެ ވިނަރެސް ފްލެޓްގައި ހުންނަ އޮފީހުންކަމަށް އިމްގްރޭޝަނުން ބުނެއެވެ.
ޕާސްޕޯޓް ދޫކުރަނީ ހެނދުނު 9:00 އިން މެންދުރު 12:00 އަށްކަމަށް އެ އިދާރާއިން ބުނެއެވެ.
އިމިގްރޭޝަނުން ބުނީ މި ބަދަލު ގެނައި ސަބަބަކީ ރައީސް ޑރ. މުއިއްޒުގެ އިރުޝާދާއި އެއްގޮތަށް، ހިދުމަތް ދޭ ވަގުތު އިތުރުކޮށް، ރައްޔިތުންނާ ގާތުން އަވަސް އަދި ލުއިފަސޭހަ ހިދުމަތެއް ފޯރުކޮށްދިނުންކަމަށެވެ. މީގެއިތުރުން، މެޑިކަލް އެމަާޖެންސީގައި ރާއްޖެއިން ބޭރަށް ދާ ފަރާތްތަކަށް ކުރިއެކޭ ވެސް އެއްގޮތަށް ހަފްތާގެ ކޮންމެ ދުވަހަކު ސައްވިސް ގަޑިއިރު ހިދުމަތް ލިބޭނެކަމަށްވެސް އިމިގްރޭޝަނުން ބުނެއެވެ.
