ދިވެހި އަސްކައްޔާގެ އޮފިސަރެއް ކަމަށްވާ ހަސަން މާބެ ވަނީ ފޭސްބުކް ޕޯސްޓެއް މެދުވެރިކޮށް ، ފަލަސްތީންގެ އަސަކްރީ އޮފިސަރަކާ ބައްދަލުވެ އޭނާ ކިޔައިދިން ވާހަކަތައް ހިއްސާކޮށްފައެވެ.
ފަލަސްތީން އޮފިސަރު ، އޭނާ އަކީ ދިވެއްސެއްކަން އެނގުމުން ފުރަތަމަވެސް ބައްދާލާފައި ރޮއެ ގަތްކަމަށް ސިފައިންގެ މީހާ އެ ޕޯސްޓްގައި ލިޔެފައިވެއެވެ. އަދި ޔުނިފޯމްގެ ވާތު ކޮނޑުމަތީގައި އިން ދިވެހި ދިދަ ފެނުމުން ޔަގީން ވެއްޖެ ކަަަމަށް ޕަލަސްތީން ގެ އަސްކަރީ އޮފިސަރު ބުނިކަމަށް ވެއެވެ.
ސިފައިންގެ މީހާ ބުނީ ފަލަސްތީން އޮފިސަރު އޭނާއަށް ލިބިފައިވާ ގެއްލުންތައް ކިޔައިދީ ގާޒާގެ އެހެން އާންމު ރައްޔިތުން އުޅެމުންދާ ދަތި ހާލު ހިއްސާކުރިކަމަށެވެ. އަދި ހާލުގައި އުޅޭ ރައްޔިތުންގެ ބައެއް ފޮޓޯ އާއި ވީޑިއޯވެސް ޕަސަސްތީން އޮފިސަރު އޭނާއަށް ދައްކާލިކަމަށް ލިޔެފައިވެއެވެ.
އޭގެއިތުރުން ދިވެހިންގެ ފަރާތުން ލިބެމުންދާ އެހީއަށް ފަށްފަށުން ޝުކުރުވެރިވާކަމަށާއި އަބަދުވެސް ހެޔޮދުއާ ކޮށްދިނުމަށް އޭނާ ހިއްސާކުރިކަމަށް އެ ޕޯސްޓްގައި ލިޔެފައިވެއެވެ.
ހަނގުރާމައިގެ ސަބަބުން ގާޒާގެ 85 ޕަސެންޓު މީހުން ގެދޮރު ދޫކޮށް ގޮސްފައިވާއިރު، ގާޒާގެ ބައި މިލިއަނެއްހާ މީހުން ބަޑުހައިހޫނުކަން އަންނަނީ ތަހައްމަލު ކުރަމުންނެވެ.
