މި މައްސަލައިގައި ސެންޓްރަލް އިންޑަސްޓްރިއަލް ސެކިއުރިޓީ ފޯސް (ސީއައިއެސްއެފް) ގެ މުވައްޒަފެއް ހިމެނޭ ގޮތަށް 4 މީހުން ވަނީ ހައްޔަރުކޮށްފައެވެ.
ޑީއާރުއައި އިން މައުލޫމާތު ދިން ގޮތުގައި މި މަސްތުވާތަކެތި ބަނދަރު ސަރަހައްދުން ފެނުނީ ދެ މީހަކު އުޅުނު ސަރަހައްދެއް ބަލައި ފާސްކުރުމުންނެވެ. އެ ދެމީހުންގެ އަތުން ފެނުނު ކަޅު ކުލައިގެ ދިޔާ އެއްޗެއް ހުރި 12 ޕެކެޓެއް ތަހުލީލު ކުރުމުން އެއީ ހަޝިޝް އޮއިލްކަން ކަށަވަރުވިއެވެ. ބައިނަލްއަގުވާމީ މާކެޓުގައި މި މަސްތުވާތަކެތީގެ އަގަކީ ކިލޯއަކަށް 10 މިލިއަން ރުފިޔާއެވެ.
މި މައްސަލައިގައި ހައްޔަރުކުރެވުނު މީހުންގެ ތެރޭގައި ހިމެނެނީ ރާޖާ އުރުފު ޖެސުރާޖާ (34 އަހަރު)، ސުދަކަރު (33 އަހަރު)، ކިންގްސްލީ (56 އަހަރު) އަދި ސީއައިއެސްއެފްގެ މުވައްޒަފު މަރިމުތު (30 އަހަރު) އެވެ. މި މީހުން ވަނީ ކޯޓަށް ހާޒިރުކޮށް ބަންދުގައި ބެހެއްޓުމަށް އަމުރުކޮށްފައެވެ.
