ads
އެލްޖީއޭ - ފޮޓޯ: އެޓޯލް ޓައިމްސް
ހުގީގީ އިދާރާތަކަށް އެއްބާރުލުން ދިނުމަށް އެލްޖީއޭ އިން އަންގައިފި
ތަހުގީގީ އިދާރާތަކުން ކުރިއަށްގެންދާ މައްސަލަތަކުގައި ކައުންސިލްތަކުން އެއްބާރުލުން ނުދޭ ކަމުގެ ޝަކުވާ ލިބެމުންދާތީ، ހުރިހާ ކައުންސިލްތަކަކުން ވެސް ތަހުގީގީ އިދާރާތަކަށް ފުރިހަމަ އެއްބާރުލުން ދިނުމަށް ލޯކަލް ގަވަމަންޓް އޮތޯރިޓީ (އެލްޖީއޭ) އިން މިއަދު އަންގައިފި އެވެ.
Advertisement

އެލްޖީއޭ އިން މިއަދު ނެރުނު ބަޔާނުގައި ބުނެފައިވަނީ ކައުންސިލްތަކުން ގާނޫނުތަކަށް ތަބާވުމަކީ ލާޒިމު ކަމެއް ކަމަށާއި، ތަހުގީގީ އިދާރާތަކުގެ ގާނޫނީ ޒިންމާ އަދާކުރުމަށް ހުރަސް ނޭޅުމަށް އިލްތިމާސް ކުރާ ކަމަށެވެ. މި އެންގުން އައިސްފައިވަނީ ގދ. ތިނަދޫ ސިޓީ ކައުންސިލާ ގުޅޭ ކޮރަޕްޝަންގެ މައްސަލަތަކެއްގެ ތަހުގީގަށް އެ ކައުންސިލުން އެއްބާރުލުން ނުދޭ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ބުނުމާ ގުޅިގެންނެވެ.

އޭސީސީން ތިނަދޫ ސިޓީ ކައުންސިލަށް ވަދެ ބައެއް ލިޔެކިޔުންތައް ގެންދިއުމާ ގުޅިގެން، އެއީ ވައްކަމުގެ އަމަލެއް ކަމަށް ބުނެ ކައުންސިލުން ވަނީ ފުލުހުންގައި މައްސަލަ ހުށަހަޅާފައެވެ. ނަމަވެސް އޭސީސީން ބުނެފައިވަނީ އެ އިދާރާއިން ގެންދިޔަ ލިޔެކިޔުންތައް ގެންދިޔައީ ގާނޫނީ އިޖުރާއަތުތައް ފުރިހަމަ ކުރުމަށްފަހު ކަމަށެވެ.

އެނގިފައިވާ ގޮތުގައި ތިނަދޫ ސިޓީ ކައުންސިލާ ގުޅުންހުރި ކޮރަޕްޝަނަށް ތުހުމަތުކުރެވޭ ހަ މައްސަލައެއް އޭސީސީން ދަނީ ތަހުގީގު ކުރަމުންނެވެ. އަދި ހެކި ނައްތާލުމުގެ ބިރު އޮތުމުން، ކުއްލި ގޮތަކަށް ކައުންސިލަށް ވަދެ ލިޔެކިޔުންތައް ގެންދަން ޖެހުނު ކަމަށް ވެސް އެ ކޮމިޝަނުން ބުނެފައިވެ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް