މި ހާގފްވޭ ހައުސް ރައީސް މުއިއްޒު ހުވާދެއްވީ މިހާރު އެމަނިކުފާނު ހއ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން ހޯރަފުށީގައި ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ހޯމް މިނިސްޓަރު އަލީ އިހްސާން ބައިވެރިވެޑައިގަތެވެ.
ހާފްވޭ ހައުސް ހުޅުއްވައިދެއްވުމަށްފަހު ހާފްވޭ ހައުސްގައި ގައުމީ ދިދަ ނަންގަވައި ދެއްވީ ރައީސް ޑރ. މުހައްމަދު މުއިއްޒެވެ. ހާފްވޭ ހައުސް ހުޅުއްވައިދެއްވާ ރައީސް ވަނީ އެ ތަން ބައްލައްވާލައްވާފައެވެ.
ހޯރަފުށީގައި ހެދި ހާފްވޭ ހައުސް ހުޅުވުުމުގެ ރަސްމިއްޔާތުގެ ތެރެއިން
ހޯރަފުށީގައި ހާފްވޭ ހައުސް އިމާރާތްކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ހަވާލު ކުރީ 2022 ވަނަ އަހަރުގެ އޮކްޓޯބަރު މަހުގެ ތެރޭގައެވެ. މި މަޝްރޫއުގެ އަގަކީ 6.15 މިލިއަން ރުފިޔާއެ
ހޯރަފުށީގައި ގާއިމް ކުރެވިގެންދިޔަ މި ހާފްވޭ ހައުސްއަކީ އަތޮޅުތެރޭގައި ގާއިމު ކުރި ފުރަތަމަ ޖުވެނައިލް ޖަސްޓިސް ޔުނިޓް ކަމަށް ވާއިރު މިތަން ބެލެހެއްޓުމުގެ މަސައްކަތް ކުރިއަށްދާނީ ދާހިލީ ސަލާމަތާއި ފަންނިއްޔާތާ ބެހޭ ވުޒާރާގެ ދަށުން ހިންގާ ޑިޕާޓްމަންޓް އޮފް ޖުވެނައިލް ޖަސްޓިސް އިންނެވެ.
މި ހާފްވޭ ހައުސްގެ ބޭނުމަކ،ީ ކުށްތަކުގައި ގެންނަ ކުޑަކުދިންނަށް ބޭނުންވާ ރެހިބިލިޓޭޝަން ފަރުވާއާއި އެހީތެރިކަން ފޯރުކޮށްދ،ީ ބޭނުންތެރި ބައެއްގެ ގޮތުގައި އެ ކުދިން އަނބުރާ މުޖުތަމައުއަށް ނެރުމެވެ.
ކުޑަކުދިންގެ އަދުލުގެ ޤާނޫނަކީ 14 ނޮވެންބަރު 2019 ގައި ރައްޔިތުންގެ މަޖިލީހުން ފާސްކޮށް 20 ނޮވެންބަރު 2019 ވަނަ ދުވަހު ތަސްދީޤު ކުރައްވާފައިވާ ޤާނޫނެކެވެ.
.
