ތިން ދުވަހުގެ މުއްދަތަށް ކުރިއަށްދާ މި ބައްދަލުވުމުގައި ދިވެހިރާއްޖެ ތަމްސީލު ކުރައްވަމުން، ޑރ. ނަޒީރު ވިދާޅުވީ ރާއްޖޭގެ މުޖުތަމައުއަށް ބިދޭސީން ކުރާ ހިދުމަތަކީ އަގުހުރި ހިދުމަތެއް ކަމަށެވެ. އަދި ރައްކާތެރި އަދި ހަރުދަނާ މައިގްރޭޝަން ނިޒާމެއް ގާއިމުކުރުމަށް ރާއްޖެއިން ތާއީދުކުރާ ކަމަށްވެސް ވިދާޅުވިއެވެ.
ސަރަހައްދުގެ މެމްބަރު ގައުމުތަކުގެ މެދުގައި ބޭއްވުނު މި ބައްދަލުވުމުގައި މައިގްރޭޝަން ސިޔާސަތުތަކާ ގުޅޭގޮތުން މަޝްވަރާކޮށް، އެކަންކަން އިތުރަށް ހަރުދަނާކުރުމަށް މަގުފަހިކުރާނެ ކަންކަން ދެނެގަނެވުނެވެ. މި ބައްދަލުވުމުގައި ޑރ. ނަޒީރުގެ އިތުރުން ރެޖިސްޓްރާ އޮފް ޔުނިއަންސް އާމިނަތު ޝާނީވެސް ބައިވެރިވެވަޑައިގެންނެވިއެވެ.
