މި ޕްރޮމޯޝަން ކުރިއަށްދާނީ ކޮންމެ ދުވަހެއްގެ މެންދުރުފަހު 1 އިން ފެށިގެން ހަވީރު 6 އަށެވެ.
ދިރާގު އެޕްއިންް "ކާށި ބިނދެގެން" ކޮންމެ ދުވަހަކުވެސް 2ޖީބީގެ ހިލޭ ޑޭޓާ ހޯދުމުގެ ފުރުސަތު އޮންނާނެ އެވެ. އަދި މެދުކެނޑުމެއްނެތި 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް، ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބިގެންދާނެ އެވެ.
ކޮންމެ ދުވަހަކު ލިބޭ ޑޭޓާގެ އިތުރުން، ވިދިވިދިގެން 5 ދުވަސް، 10 ދުވަސް ނުވަތަ 20 ދުވަހު ކާށި ބިނދެގެން ކަސްޓަމަރުންނަށް 1ޓީބީއާ ހަމައަށް ހިލޭ ޑޭޓާ ލިބިގެންދާނެ ކަމަށް ވެސް ދިރާގުން ވަނީ ބުނެ އެވެ.
މީގެ އިތުރުން، މެދުކެނޑުމެއްނެތި 10 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް ސެމްސަންގް ގެލެކްސީ ވޮޗް އަލްޓްރާއެއް ލިބިގެންދާއިރު، ޖެހިޖެހިގެން 20 ކާށި ބިންނަ ކަސްޓަމަރުންނަށް ސެމްސަންގް ގެލެކްސީ އެސް26 އަލްޓްރާ ފޯނެއް ހޯދުމުގެ ފުރުސަތު ލިބިގެންދާނެ ކަމަށް ދިރާގުން ވަނީ ބުނެފަ އެވެ.
މި ޕްރޮމޯޝަންގެ މަގްސަދަކީ ރޯދަ މަހު ހިލޭ ޑޭޓާ އާއި އަގުހުރި އިނާމުތަކާ އެކު ޑިޖިޓަލް ވަސީލަތްތައް މެދުވެރިކޮށް ގުޅުންތައް ބަދަހިކުރުމުގެ ފުރުސަތު ކަސްޓަމަރުންނަށް ފަހިކޮށްދިނުން ކަމަށް ދިރާގުން ބުންޏެވެ.
ދިރާގުން އަންނަނީ ކަސްޓަމަރުންނަށް ފައިދާކުރަނިވި އަދި އާ ތަޖުރިބާތަކެއް ލިބިގެންދާނެ ފަދަ ހިދުމަތްތަކާއި ޕްރޮމޯޝަންތައް ފޯރުކޮށްދެމުންނެވެ.
މި ޕްރޮމޯޝަނާ ބެހޭ އިތުރު މައުލޫމާތު ދިރާގު ވެބްސައިޓުން ލިބޭނެ އެވެ.
