މިއަހަރަށް ރައްޔިތުން މަޖިލިސް ހުލޫވާދެއްވަމުން އެމަނިކުފާނު ދެއްވާ ދެވަނަ ރިޔާސީ ބަޔާނުގައި ވިދާޅުވީ ރާއްޖޭގެ އިގްތިސާދު ކުރިއަރަމުން އަންނަކަމަށެވެ.
ރައީސް ވިދާޅުވީ މިިދޔަ އަހަރު ނިމުނުއިރު ދައުލަތުގެ ރަސްމީ ރިޒާވްގައި 673.2 މިލިއަން އެމެރިކާ ޑޮލަރު ހުރކަމަށެވެ. އެއީ 2023 ވަނަ އަހަރު ނިމުނުއިރު ރިޒަރވްގައި ހުރި 590.5 މިލިއަން އެމެރިކާ ޑޮލަރަށްވުރެ 14 އިންސައްތަ އިތުރު އަދަދެއްކަން ފާހަގަކުރައްވަމުން ރައީސް މުއިއްޒު ވިދާޅުވީ މިއަހަރު ނިމޭއިރު ރާއްޖޭގެ ރިޒާވް 705.1 މިލިއަން އެމެރިކާ ޑޮލަރަށް އިތުރުވެގެން ދާނެކަމަށް އުއްމީދު ކުރައްވާކަމަށެވެ.
ރައީސް މުއިއްޒު ވިދާޅުވީ މިއަންނަ އަހަރުގެ ފުރަތަމަ ކުއާޓާއިން ފެށިގެން ދިވެހިންނަށް ވެލާނާ އެއާޕޯޓުން ފުރާ ކޮންމެ މީހަކަށް، ދޫކުރާ ޑޮލަރު ދެގުނަ ކުރައްވާނެކަމަށެވެ. ބޭރުފައިސާގެ ޤާނޫނު ތަންފީޒުވާން ފެށުމުން ވެލާނާ އެއަރޕޯޓުން ފުރާ ކޮންމެ ދިވެއްސަކަށް ދޫކުރަމުންދާ 500 ޑޮލަރު ދެގުނަކޮށް ކާޑު ލިމިޓު އަންނަ އަހަރުގެ ދެވަނަ ކުއާޓަރގައި ބޮޑު ކޮށްދެއްވާނެކަަމަށްް ރައީސް ވިދާޅުވިއެވެ.
