ހައުސް ޕްލާޒާގައި ރޯވުން
ހައުސް ޕްލާޒާގައި ރޯވި ސަބަބު ސިފައިން ހާމަކޮށްފި
ގުފްތަގް އަޖީރު
09 ފެބްރުއަރީ 2025 - 12:37:28
މ. ހައުސް ޕްލާޒާގައި މިއަދު ހެނދުނު ރޯވި އަލިފާނުގެ ހާދިސާ ހިނގި ސަބަބު އެމްއެންޑީއެފްއިން ހާމަކޮށްފިއެވެ.
Advertisement
މިގޮތުން ހާދިސާ ހިނގީ އެ ގޭގައި ގިނަ ދުވަސްވަންދެން އެއްވެފައި ހުރި ކުނިތަކެއްގައި އަލިފާން ރޯވެގެން ކަމަށް އެމްއެންޑީއެފްއިން ބުނެފައިވެއެވެ.
އެމްއެންޑީއެފްގެ ފަޔާ އެންޑް ރެސްކިޔު ސާވިސްއަށް މި ހާދިސާގެ މައުލޫމާތު ލިބުނީ މިއަދު ހެނދުނު 6:35 ގައެވެ. އަދި ވަގުތުން ސިފައިންގެ ފަޔަރ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށައިގަތެވެ.
ގިނަ ދުވަސްތަކެއް ވަންދެން ފަޅުގެއެއްގެ ގޮތުގައި ހުރި މި ގޭގައި ރޯވި އަލިފާން މުޅިން ނިއްވާލެވުނީ ހެނދުނު 7:47 ގައެވެ. އަދި މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަން އެމްއެންޑީއެފްއިން ފާހަގަކޮށްފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
