ކެންދޫ ދާއިރާގެ މެންބަރު މައުރޫފް ޒާކިރު ހުށަހެޅުއްވި މި ގަރާރު މަޖިލީހުން ބަލައިގަތީ ވޯޓުގައި ބައިވެރިވި ހުރިހާ މެންބަރުންގެ އިއްތިފާގުންނެވެ.
މި ގަރާރުގައި ބަޔާންކޮށްފައިވަނީ ޓޫރިޒަމް ދާއިރާގައި މަސައްކަތްކުރާ ގިނަ މުވައްޒަފުންނަށް މިހާރު ކުރިމަތިވަމުންދާ ދަތިތަކުގެ ވާހަކައެވެ.
މައުރޫފް ވިދާޅުވި ގޮތުގައި ރާއްޖޭގެ 99 ޕަސަންޓު ރިސޯޓުތަކުގައި މަސައްކަތްކުރާ މުވައްޒަފުން މި ގަރާރަށް ތާއީދުކުރެއެވެ. ނަމަވެސް ޕީއެންސީގެ ބައެއް މެންބަރުން މި ގަރާރާ ދެކޮޅު ހައްދަވައި، މިއީ މަޖިލީހުގެ ވަގުތު ނަގާލުމަށް ކުރާ ކަމެއް ކަމަށް ވިދާޅުވިއެވެ.
ގަރާރުގައި ސަރުކާރަށް ގޮވާލާފައިވަނީ ޓޫރިޒަމް ދާއިރާގެ މުވައްޒަފުންނަށް ހެދުން އެޅުމުގެ އާންމު މިންގަނޑެއް އެކުލަވާލުމަށެވެ. އަދި ބުރުގާ އަޅައިގެން މަސައްކަތްކުރަން ބޭނުންވާ އަންހެނުންނާއި ތުނބުޅި ބަހައްޓައިގެން މަސައްކަތްކުރަން ބޭނުންވާ ފިރިހެނުންނަށް ހުރި ހުރަސްތައް ނައްތާލުމަށެވެ.
