މިނިސްޓަރު މިހެން ވިދާޅުވީ މާލޭ ސިޓީ ކައުންސިލްގެ ތައިސޭކޮށީގެ ފުޓްސަލް ދަނޑުގައި "ރޯދަ ސާފު"ގެ ނަމުގައި މާލެ ސާފުކުރުމަށް މިއަދު ބާއްވާ ހަރަކާތް ފައްޓަވައި ދެއްވުމުގެ ގޮތުން ދެއްކެވި ވާހަކަފުޅުގައެވެ.
ދެ މިނިސްޓްރީއިން އިސްވެ ގޮވައިލެއްވި ގޮވައިލެއްވުމަށް އެހައި ބޮޑު އިޖާބައެއް ދެއްވައި އެތައް ސަތޭކަ ބަޔަކު، މި ހަރަކާތުގައި ބައިވެރިވެދެއްވި ކަމަށް ޓަކައި ރައީސް ޑރ. މުހައްމަދު މުއިއްޒުގެ ނަންފުޅުގައިއާއި އަދި މިނިސްޓަރުގެ އަމިއްލަ ނަންފުޅުގައި އެ ހުރިހައި ފަރާތްތަކަށް އިހްލާސްތެރިކަމާއެކު ޝުކުރުއަދާކުރެއްވިއެވެ.
މިނިސްޓަރު އާދަމް ޝަރީފް އެކްސްގައި ކުރެއްވި ޕޯސްޓްގައި ވަނީ ސާފުތާހިރުކަމުގެ ރީތި އާދަތައް އަށަގެންނެވުމަށާއި، ޖެހުނު ކޮންމެ ތަނަކަށް ކުނި އުކާލުމުގެ ބަދަލުގައި ޑަސްބިންތަކަށާއި، ކުނި އަޅަން ހާއްސަ ތަންތަނަށް ކުނި އެޅުމުގެ އާދަ އަށަގަންނަވަން ހާއްސަ ސަމާލުކަމެއް ދޭންޖެހޭ ކަމަށް ވިދާޅުވެފައެވެ.
މިއަދު މި ފެށި "ރޯދަ ސާފު" ހަރާކުގައި ގުރޫޕް 1 އިން ސާފުކުރަމުން ދަނީ އާޓިފިޝަލް ބީޗް ސަރަހައްދެވެ. މި ސަރަހައްދު ސާފުކުރުމުގައި އިސްކޮށް ހަރަކާތްރިވަމުން ދަނީ އާރުޑީސީއާއި، މީރާއާއި، ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީ އަދި ލޯކަލް ގަވަމަންޓް މިނިސްޓްރީއެވެ.
އޭގެއިތުރުން ގުރޫޕް 2 އިން ސާފުކުރަމުން ދަނީ އުސްފަސްގަނޑު ހިމެނޭ ސަރަހައްދެވެ. މި ސަރަހައްދު ސާފުކުރުމުގައި ހަރަކާތްރިވަމުން ދަނީ އެމްއެންޑީއެފާއި، އެމްޑަބްލިޔޫއެސްސީއާއި، ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީ އަދި ލޯކަލް ގަވަމަންޓް މިނިސްޓްރީއެވެ.
ގުރޫޕް 3 އިން ސާފުކުރަމުން ދަނީ އިންޑަސްޓްރިއަލް ޒޯން ހިމެނޭ ސަރަހައްދެވެ. އެގޮތުން މި ސަރަޙައްދު ސާފުކުރުމުގައި ހަރަކާތްރިވަމުން ދަނީ މޯލްޑިވްސް ޕޮލިހާއި، ކަރެކްޝަނަލް ސަވިސްއާއި، ކަސްޓަމްސްއާއި، ނެޝަނަލް ޑްރަގްއެޖެންސީއާއި، ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީ އަދި ލޯކަލް ގަވަމަންޓް މިނިސްޓްރީއެވެ.
ގްރޫޕް 4 އިން ސާފުކުރަމުން ދަނީ ޕޯޓްސް ލިމިޓެޑް ހިމެނޭ ސަރަޙައްދެވެ. މި ސަރަޙައްދު ސާފުކުރުމުގައި ހަރަކާތްރިވަމުން ދަނީ ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީ އަދި ލޯކަލް ގަވަމަންޓް މިނިސްޓްރީއެވެ.
ގްރޫޕް 5 އިން ސާފުކުރަމުން ދަނީ ސަލްމާން މިސްކިތް ހިމެނޭ ސަރަހައްދެވެ. އެގޮތުން މި ސަރަޙައްދު ސާފުކުރުމުގައި ހަރަކާތްރިވަމުން ދަނީ މޯލްޑިވްސް ގޭހާއި، ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީ އަދި ލޯކަލް ގަވަމަންޓް މިނިސްޓްރީއެވެ.
