މި ޕްރޮގްރާމަކީ "އީގަލްސް ކޮމިއުނިޓީ- އެންމެން އެކުގައި ސާފުކުރަމާ" ގެ ނަމުގައި ކުރިއަށްގެންދާ ހަރަކާތެކެވެ.
މާލެ ސިޓީ ކައުންސިލްގެ މޭޔަރު އާދަމް އާޒިމް ފައްޓަވައިދެއްވި މި ހަރަކާތުގައި ފަސް މުއައްސަސާއެއް ބައިވެރިވެއެވެ. އެއީ މަންފާ، އީގަލްސް ކޮމިއުނިޓީ، މާލެ ސިޓީ ކައުންސިލް، ވެމްލޯ އަދި ފުލުހުންގެ ހިދުމަތެވެ.
މާލެ ސިޓީ ކައުންސިލުން ބުނީ މި ހަރަކާތުގެ ދަށުން މާފަންނު ސަރަހައްދުގެ ބައެއް ތަންތަނުން ކުނި ނެގުމާއި ބާ މުސްހަފް ނައްތާލުމުގެ މަސައްކަތް ކުރިއަށް ގެންދާނެ ކަމަށެވެ.
މި ހަރަކާތާ އެކުގައި، "ރޯދަ ސާފު" ގެ ނަމުގައި މާލެ ސާފުކުރުމުގެ އިތުރު ހާއްސަ ޕްރޮގްރާމެއްވެސް މިއަދު ކުރިއަށްދެއެވެ. މި ދެވަނަ ހަރަކާތުގެ ދަށުން މާލޭގެ ފަސް ސަރަހައްދެއް ސާފުކުރުމުގެ މަސައްކަތުގައި ގިނަ އަދަދެއްގެ މުވައްޒަފުން ވަނީ ހަރަކާތްތެރިވެފައެވެ. އަދި ހުޅުލެ ސާފުކުރުމުގެ މަސައްކަތް އެމްއޭސީއެލްއިން ދަނީ ކުރަމުންނެވެ.
