އެ ދާއިރާގެ މެމްބަރުކަން ކުރައްވާ ގާސިމް އިބްރާހިމް އަޅުއްވާ ދެއްވި މި މިސްކިތައް ކިޔަބީ މަަސްޖިދުއް ޒިކުރާއެވެ.
މި މިސްކިތަކީ އދ މާމިގިލީ ރައްޔިތުންނާއި ކައުންސިލްގެ އެދިވަޑައިގަތުމުގެ މަތިން ގާސިމް ބިނާކޮށްދެއްވި މިސްކިތެއްކަމަށް އެ ރަށު ކައުންސިލުން ބުނެއެވެ.
މާމިގިލީ ކައުންސިލުން ބުނީ އެ މިސްކިތް އަޅަން ގާސިމް އަރިހުގައި އެދުނީ، ރަށުގައި ހުރި މިސްކިތުގެ ޖާގަ ކުޑުވުމުން އެކަމުގެ ކަންބޮޑުވުން ބައެއް ރައްޔިތުން ފާޅުކުރުމުން ދާތީކަމަށެވެ.
މިދިޔަ ބުރާސްފަތި ދުވަހު މި މިސްކިތް ހުޅުވާދެއްވީވެސް ގާސިމް އިބްރާހިމްއެވެ.
މާމިގިލީގައި ގާސިމް ބިނާކޮށްދެއްވި މިސްކިތް ހުޅުވާދެއްވަނީ
މީ ގާތްގަނޑަކަށް 300 މީހުންނަށް ނަމާދު ކުރެވޭނެ ޖާގައިގެ މިސްކިތެއް ކަމަށެވެ.
މި މިސްކިތް ބިނާ ކުރުމުގެ މަސައްކަތައް ހޭދަވީ މުޅިއަކު 57 ދުވަހުއެވެ. މިސްކިތް ބިނާކުރުމުގެ މަސައްކަތް ފެށީ 14 ޑިސެމްބަރު 2024 ގައިކަމަށެވެ.
