ads
އުއްތަމަ ފަނޑިޔާރު
ހުކުމް އިއްވުމުގައި ޖަޒުބާތުގައި ނުޖެހެން އުއްތަމަ ފަނޑިޔާރު އިންޒާރު
ފަނޑިޔާރުން ހުކުމް އިއްވާއިރު ޖަޒުބާތުގައި ނުޖެހި އިންސާފުވެރިކަމާއެކު މަސައްކަތް ކުރުމަށް އުއްތަމަ ފަނޑިޔާރު އަހްމަދު މުއުތަސިމް އަދުނާން އިރުޝާދު ދެއްވައިފި އެވެ.
Advertisement

މެޖިސްޓްރޭޓުންގެ ހުވާކުރުމުގެ ރަސްމިއްޔާތުގައި ވާހަކަފުޅު ދައްކަވަމުން އުއްތަމަ ފަނޑިޔާރު ވިދާޅުވީ، ހުކުމް އިއްވުމުގައި އިހުސާންތެރިކަމާއެކު މަސައްކަތް ކުރި ނަމަވެސް ޖަޒުބާތުގައި ޖެހިގެން ނުވާނެ ކަމަށެވެ. އެމަނިކުފާނު މި ވާހަކަފުޅު ދެއްކެވީ 2010 ވަނަ އަހަރު މާލޭގައި ހިނގި މަރުގެ މައްސަލައެއްގައި ކުރެވުނު އުމުރު ދުވަހުގެ ޖަލު ހުކުމާ ގުޅޭ ގޮތުން އިސްތިއުނާފު މަރުހަލާގައި ނެރުނު ހުކުމާ ގުޅިގެންނެވެ.

އުއްތަމަ ފަނޑިޔާރު ވިދާޅުވި ގޮތުގައި އެ މައްސަލައިގައި ހުކުމް އިއްވުމުގެ ކުރިން އެ ރޭ މެންދަމުގެ 2 ޖަހަންދެން ނިދިފުޅު ނުކުރެއްވި އެވެ. އަދި ހުކުމާ މެދު ފުންކޮށް ވިސްނަވަން ޖެހުނު ކަމަށް ވެސް ވިދާޅުވި އެވެ.

"އެހާ މުހިންމު މައްސަލައެއްގައި ނިންމާ ނިންމުމެއްގައި އިންސާފުވެރިވުމަށް ވަރަށް ބޮޑަށް ވިސްނަން ޖެހޭ. އެހެންނަމަވެސް ޖަޒުބާތީވެގެން ނުވާނެ،" އުއްތަމަ ފަނޑިޔާރު ވިދާޅުވި އެވެ.

މަރިޔަމް ނަޒާހާގެ މައްސަލައިގައި ސުޕްރީމް ކޯޓުގެ ފަސް ފަނޑިޔާރުންގެ ތެރެއިން ތިން ފަނޑިޔާރުންގެ އަގުލަބިއްޔަތުން ވަނީ އުމުރު ދުވަހުގެ ޖަލު ހުކުމް ދަމަހައްޓާފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް