"ސީއެންއެމް" އަށް މައުލޫމާތު ދެމުން އެޗްޑީސީ ގެ މީޑިއާ އޮފިޝަލު ވިދާޅުވީ ކުޑަގިރީ ފަޅަށް މަތިންދާ ބޯތެއް ފައްތާ ޑައިވިން ސައިޓް އެއް ތަރައްގީކުރުމަކީ މީގެ ތަންކޮޅެއް ކުރީއްސުރެއް ކުރަމުން އައި މަސައްކަތެއް، ނަމަވެސް މިހާރު އެ މަސައްކަތް ކުރިއަށް ދަނީ އޭގެ މޮޑެލް ކޮންމެވެސް ވަރަކަށް ބަދަލުކޮށްގެން ކަމަށް އޭނާ ވިދާޅުވިއެވެ.
ކުޑަގިރީ ފަޅުތެރޭ ޑައިވް ސައިޓެއް ތަރައްގީކޮށް، މި މަސައްކަތް ކުރިއަށްދަނީ އެމްއެމްޕީއާރުސީ އާއި އެޗްޑީސީ އާ ގުޅިގެން ކަމަށާއި އެތަނުގެ އަޑިއަށް ފައްތަނީ ވަރަށް ކުރިން އައިލެންޑް އެވީއޭޝަން އިން ގެނައި ބޯޓު ތަކުގެ ތެރެެއިން 2 ބޯޓު ކަމަށް އެޗްޑީސީގެ މީޑިއާ އޮފިޝަލު ވިދާޅުވިއެވެ.
އެއީ އެއިރު ގެނައި ބޯޓު ތަކުން، ހަލާކުވެގެން ދޫކޮށްލާފައި ހުރި 2 ބޯޓެއް ކަމަށް އެޗްޑީސީން މައުލޫމާތުދެއެވެ.
އެއާއެއްކޮށް ފަޅުތެރޭ މުރަކަ އިންދުމުގެ މަސައްކަތްވެސް ކުރިއަށް ދާނެ ކަމަށާއި ކުރިއަށް އޮތް ތަނުގައި، ކުޑަގިރި ފަޅުގައި ޑައިވް ސައިޓެއް ވަރަށް ރީތިކޮށް ތަރައްގީކުރެވޭނެ ކަމަށް އެޗްޑީސީން ބުނެއެވެ.
