މި ފުރުސަތުތަކަށް އެޕްލިކޭޝަން ހުށަހެޅުމުގެ މުއްދަތު މި މަހުގެ 21 ވަނަ ދުވަހާ ހަމައަށް އޮންނާނެއެވެ.
ހަޔާ އެޑިއުކޭޝަން މިނިސްޓްރީން މިކަމާ ގުޅޭގޮތުން ނެރުނު އިއުލާނުގައި ބުނެފައިވާ ގޮތުގައި، މި ފުރުސަތުތައް ހުޅުވާލެވިފައިވަނީ އެފްރިކާ، އޭޝިޔާ ޕެސިފިކް، ލެޓިން އެމެރިކާ، ޔޫރަޕް އަދި އަރަބި ސަރަހައްދުތަކަށެވެ. މި ޕްރޮގްރާމްގައި ބައިވެރިވާން ގަސްތުކުރާ މީހުން، އެ ޕްރޮގްރާމެއް ހިންގާ ޔުނިވަރސިޓީ ނުވަތަ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ގަބޫލުކުރާ މަރުކަޒެއްކަން ކަށަވަރުކުރަން ޖެހެއެވެ.
ޕްރޮފެޝަނަލް ނުވަތަ ލައިސެންސިން ދާއިރާތަކުގެ ޕްރޮގްރާމްތަކަށް ހޮވޭ މީހުން އިތުރު ހުއްދަތަކެއް ހޯދަން ޖެހެއެވެ. މީގެ ތެރޭގައި މޯލްޑިވްސް އެލައިޑް ހެލްތް ކައުންސިލް، މޯލްޑިވްސް ނަރސިންގ އެންޑް މިޑްވައިފްރީ ކައުންސިލް، މޯލްޑިވްސް މެޑިކަލް އެންޑް ޑެންޓަލް ކައުންސިލް، އަދި ސިވިލް އޭވިއޭޝަން އޮތޯރިޓީ ފަދަ ތަންތަނުގެ ހުއްދަ ހިމެނެއެވެ.
