ގަލޮޅު ދަނޑު
މި އަހަރުގެ ކުޅިވަރު މުބާރާތްތަކަށް އެމްއޯސީން 63 މިލިއަން ހޭދަކުރަނީ
ގުފްތަގް އަޖީރު
20 ފެބްރުއަރީ 2025 - 12:11:14
އޮލިމްޕިކް ކޮމިޓީ (އެމްއޯސީ) އިން މި އަހަރު ކުޅިވަރު މުބާރާތްތަކަށް 63 މިލިއަން ރުފިޔާ ހޭދަކުރުމަށް ބުދަ ދުވަހުގެ ރޭ ބޭއްވި ކޮންގްރެސްގައި ނިންމައިފި އެވެ.
Advertisement
މީރުމާ ހޮޓެލްގެ ކާނިމާ މާލަމްގައި ބޭއްވި ކޮންގްރެސްގައި ފާސްކުރި ބަޖެޓުގެ އެންމެ ބޮޑު ސްޕޮންސަރަކީ ސަރުކާރެވެ. އަދި މި ބަޖެޓުން އެންމެ ބޮޑު ހޭދައެއް ކުރާނީ ރާއްޖެއިން ބައިވެރިވާ ބައިނަލްއަގުވާމީ މުބާރާތްތަކަށެވެ.
އެމްއޯސީގެ ސެކްރެޓަރީ ޖެނެރަލް އަހުމަދު ތަމޫހް ސައީދު ވިދާޅުވި ގޮތުގައި "މުބާރާތްތަކުގެ އިތުރުން އެހެނިހެން ޕްރޮޖެކްޓްތަކަށް ވެސް ސަރުކާރުން އެހީތެރިކަން ފޯރުކޮށްދޭނެ،" އެވެ.
މި އަހަރު ރާއްޖެއިން ބައިވެރިވާ އެންމެ މުހިންމު މުބާރާތަކީ ޕާކިސްތާނުގައި ބޭއްވުމަށް ހަމަޖެހިފައިވާ ސައުތު އޭޝިއަން ގޭމްސް އެވެ. ނަމަވެސް މި މުބާރާތް ބާއްވާނެ ތާރީހެއް އަދި ވެސް ހާމަކޮށްފައި ނުވާ ކަމަށް އެމްއޯސީން ބުންޏެވެ. އަދި މުބާރާތް ޕާކިސްތާނުގައި ނުބޭއްވިއްޖެ ނަމަ އެ ފުރުސަތު އެހެން ގައުމަކަށް ދޭން ޖެހިދާނެ ކަމަށް އެ ގައުމުގެ މީޑިއާތަކުން ރިޕޯޓުކޮށްފައި ވެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
