ޖުމްލަ 105 ރަށެއްގެ ކައުންސިލް އިމާރާތް ސަރުކާރުގެ ހަރަދުގައި އަޅާ ދިނުމަށް ވަނީ ނިންމާފައެވެ. މީގެތެރެއިން 50 ކައުންސިލް އިމާރާތް އަޅަން ހަވާލުކުރީ ޗައިނާއާ އެވެ. އަނެއް 55 ކައުންސިލްގެ އިމާރާތް އަޅަން ހަވާލުކުރީ މެލޭޝިއާގެ ކުންފުންޏަކާއިއެވެ.
މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އާދަމް ޝަރީފް ވިދާޅުވީ އެންމެ ފަހުން މައުލޫމާތު ލިބޭގޮތުގައި މަސައްކަތް ހަވާލުކުރި މެލޭޝިއާގެ ހެކްސްޓާ ގްލޯބަލް ކުންފުނީގެ ޓީމެއް މިމަހުގެ28 ގައި ރާއްޖެއަށް އަންނަން ހަމަޖެހިފައިވާކަމަށެވެ.
މިހާރު އެއްކުރެވިފައި ހުރި މައުލޫމާތަށް ބަލާއިރު ހެކްސްޓާ ގްލޯބަލް އިން އޭޕްރީލް މަހު ރަސްމީކޮށް ކައުންސިލް އިދާރާތައް އިމާރާތްކުރުމުގެ މަސައްކަތް ފެށިގެން ދާނެ ކަމަށް މިނިސްޓަރު މައުލޫމާތު ދެއްވިއެވެ.
މަސައްކަތަށް ބަލާލައިފިިނަމަ 39 އިދާރައާކީ 2 ބުރިއަށް އިމާރާތްކުރާ ތަންތަން ކަަމަށާއި ވަރަށް މަދުތަނެއްގައި ނޫނި ޑިމޮލިޝިން އަށް މަސައްކަތް ކުރާކަށް ނުޖެހޭ ކަމަށް މިނިސްޓާ ފާހަގަކުރެއްވިއެވެ.
އޭގެއިތުރުން ޗައިނާ އާ ހަވާލުކުރެވުނު 50 ކައުންސިލް އިދާރާ އިމާރާތްކުރުމުގެ މަޝްރޫގެ ފީސިބިލިޓީ ސްޓަޑީ ހެދުމަށްޓަކައި އަންނަ އޭޕްރީލް މަހު ޗައިނާގެ ޓީމެއް ރާއްޖެއަށް އަންނާނެކަމަށް އަންގަވާފައިވާ ކަަން މިނިސްޓަރު ވިދާޅުވިއެވެ. އަދި މިއަހަރުގެ މެދު ތެރޭ ލަސްތަކެެއް ނުވެ މަސައްކަތް ފެށޭނެ ކަމަށް ޗައިނާ ކުންފުންޏާ ހަވާލާދީ މިނިސްޓަރު ވިދާޅުވިއެވެ.
