ފުލުހުން ބުނީ ހަނިމާދުއަށް ވައިގެ މަގުން ޑްރަގު އެތެރެކުރަން އުޅޭކަމަށް ކައުންޓާ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ހަނިމާދޫ އެއާޕޯޓުގައި ރޭ ދަންވަރު އޮޕަރޭޝަނެއް ކުރިއަށްގެންދިޔަ ކަމަށެވެ.
އެއާޕޯޓުން ޑްރަގާއި އެކު ހައްޔަރުކުރި ޒުވާނުން
- ނ. ވެލިދޫ / މޯނިންސަން އުމުރުން 20 އަހަރުގެ ފާތިމަތު ޝާހާ ހަސަން
- ކ. ގުރައިދޫ / ނަލަވާ އުމުރުން 22 އަހަރުގެ ހުސައިން ޝާވިން
- ސ. ފޭދޫ / ރަތްވިލާގެ،އުމުރުން 22 އަހަރުގެ މުހައްމަދު ރިލްވާނު އަބްދުއްސައްތާރު
- ދ. ކުޑަހުވަދޫ / މާހިލް އުމުރުން 28 އަހަރުގެ އަރްސަމް އަލީ ވަހީދު
ފުލުހުން ބުނީ މި އޮޕަރޭޝަން ކުރިއަށްގެންދިޔައީ ކުޅުދުއްފުށި ސިޓީ ޕޮލިހާއި ހަނިމާދޫ ޕޮލިސް އިންޓެލިޖެންސްއާ ގުޅިގެން ކަމަށެވެ.
ހަނިމާދޫ އެއާޕޯޓުން އެ ޒުވާނުން ހައްޔަރުކޮށް ބަލައިފާސްކުރިއިރު މަސްތުވާތަކެތި ކަމަށް ބެލެވޭ ތަކެތި ފެނިފައިވާ ކަމަށާއި އެ ތަކެތީގެ ވަގުތީ ބަރުދަނަކީ 13.85 ގުރާމް ކަމަށް ފުލުހުން ބުނެއެވެ.
މި އެންމެންގެ ބަންދާއި މެދު ގޮތެއް ނިންމަނއ ހަނިމާދޫ މެޖިސްޓްރޭޓް ކޯޓަށް ހާޒިރުކުރުމުން ހަތަރު މީހުން ވެސް 30 ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ބުނެއެވެ.
އެ މައްސަަލަ ފުލުހުން ދަނީ ތަހުގީގުކުރަމުންނެވެ.
