ފިނޭންސް މިނިސްޓްރީން އާންމުކުރި ގްރީން ފަންޑު ރިޕޯޓުގައިވާ ގޮތުން، 2023 ވަނަ އަހަރު ޖުމުލަ އެއް ބިލިއަން ރުފިޔާ ފަންޑަށް ޖަމާކުރި އެވެ. މީގެ ތެރެއިން އެންމެ ގިނަ އަދަދެއް ޖަމާކޮށްފައިވަނީ މާޗު މަހު އެވެ. އެއީ 113.8 މިލިއަން ރުފިޔާ އެވެ.
ގްރީން ފަންޑުން މިދިޔަ އަހަރު 645 މިލިއަން ރުފިޔާ ހަރަދުކުރި އެވެ. އެންމެ ގިނަ އަދަދެއް ހަރަދުކޮށްފައިވަނީ ޑިސެމްބަރު މަހު އެވެ. އެއީ 172.4 މިލިއަން ރުފިޔާ އެވެ.
ރާއްޖޭގެ ތިމާވެށި ހިމާޔަތްކުރުމުގެ މަސައްކަތްތަކަށް ފައިސާ ހޯދުމަށް 2016 ވަނަ އަހަރުން ފެށިގެން ގްރީން ޓެކްސް ނަގަމުން އަންނަ އިރު، މިއީ ޓޫރިސްޓު ރިޒޯޓުތަކާއި ހޮޓާތަކާއި ގެސްޓްހައުސްތަކުގެ އިތުރުން ޓޫރިސްޓް އުޅަނދުތަކަށް އަންނަ ޓޫރިސްޓުންގެ އަތުން ނެގޭ ޓެކުހެކެވެ.
ގްރީން ފަންޑުގައި 2023 ވަނަ އަހަރު ނިމުނުއިރު 1.6 ބިލިއަން ރުފިޔާ ހުރި އިރު، 2024 ވަނަ އަހަރު ފެށުނުއިރު ފަންޑުގައި ހުރީ 1.1 ބިލިއަން ރުފިޔާ އެވެ.
