މީގެ އިތުރުން، އެރަށުގައި އަލަށް ހަދާ ބްރާންޗުގެ ބިންގާވެސް މިއަދު އަޅާފަައިވެއެވެ.
މިއަދު ބޭއްވުނު ރަސްމިއްޔާތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބައިވެރިވެ ވަޑައިގެންނެވިއެވެ. އަދި ބީއެމްއެލްގެ ޗެއާޕާސަން އަހްމަދު އަލީ ހަބީބާއި، ސީއީއޯ އެންޑް މެނޭޖިން ޑިރެކްޓަރު މުހައްމަދު ޝަރީފްވެސް ބައިވެރިވެ ވަޑައިގެންނެވިއެވެ.
އާ އޭޓީއެމް މެދުވެރިކޮށް ކަސްޓަމަރުންނަށް 24 ގަޑިއިރު ފައިސާ ޖަމާކުރުމާއި، ފައިސާ ނެގުމާއި، ފައިސާ ޓްރާންސްފާ ކުރުމާއި، ކާޑުތަކަށާއި ލޯނުތަކަށް ފައިސާ ދެއްކުމުގެ ހިދުމަތް ލިބޭނެއެވެ. މިއީ ބްރާންޗަށް ޒިޔާރަތް ނުކޮށް ލިބޭ ހިދުމަތްތަކެކެވެ.
ބީއެމްއެލްގެ ސީއީއޯ މުހައްމަދު ޝަރީފް ވިދާޅުވީ ކުޑަހުވަދޫގައި ހިދުމަތް ފުޅާކުރެވުމަކީ މުޖުތަމައުއާ ވީހާވެސް ގާތުން ފަސޭހަކަމާއެކު ބޭންކިން ހިދުމަތް ފޯރުކޮށްދިނުމަށް ކުރަމުންދާ މަސައްކަތުގެ ހެއްކެއް ކަމަށެވެ.
ބީއެމްއެލްއަކީ މުޅި ރާއްޖެ ހިމެނޭ ބޭންކިން ވިއުގައެއް ގާއިމްކޮށްފައިވާ ބޭންކެވެ. މިހާރު 20 އަތޮޅުގައި 39 ބްރާންޗް، 95 ސެލްފް ސަރވިސް ބޭންކިން ސެންޓަރު އަދި 153 އޭޓީއެމް ހުރެއެވެ.
