މި މަސައްކަތް އެ ކުންފުންނާއި ހަވާލުކޮށްފައިވަނީ މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑްއިންނެވެ.
މިކަމުގެ އެއްބަސްވުމުގައި ސޮއިކޮށްފައިވަނީ ރައީސް ޑރ. މުހައްމަދު މުއިއްޒު މިހާތު ދ އަތޮޅަށް ކުރައްވާ ދަތުރުފުޅުގައި އެ އަތޮޅު ކުޑަހުވަދޫއަށް ވަޑައިގަތުމުން ބޭއްވި ހާއްސަ ރަސްމިއްޔާތެއްގައެވެ. ކުޑަހުވަދޫގައި ވިޔަފާރި ބަނދަރު އެޅުމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު މުހައްމަދު ސައީދެވެ. އެމްޕީއެލްގެ ފަރާތުން ސޮއިކުރެއްވީ ދާދިފަހުން އެ ކުންފުނީގެ ޗީފް އެގްޒެކުޓިވް އޮފިސަރު (ސީއީއޯ) ގެ މަގާމަަށް އައްޔަންކުރެއްވި ޑީ.ސީ.ޕީ (ރިޓަޔާޑް) މުހައްމަދު ރިޝްވާނެވެ.
ދ. ކުޑަހުވަދޫގައި ވިޔަފާރި ބަނދަރެއް ތަރައްގީކުރަން އެމްޕީއެލްއަށް ހަވާލުކުރުމުގެ އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން
މި ބަނދަރާއި ގުޅޭގޮތުން އެމްޕީއެލް އިން ބުނީ، ކުޑަހުވަދޫގައި ތަރައްގީކުރާ ބަނދަރުގެ މައިގަނޑު މަސައްކަތަކަށް ވާނީ ޕޯޓް-ޓު-ޕޯޓް ލޮޖިސްޓިކް ކަމަށެވެ. އަދި އެ ޕޯޓާއެކު މުސްތަގުބަލުގައި ޑިސްޓްރިބިއުޝަން ހަބެއްގެ ގޮތުގައި ތަރައްގީވެ، އިގުތިސާދީ ގޮތުން ކުރިއެރުންތައް ހޯދޭނެ މަގު ކުޑަހުވަދޫއަށް ފަހިވެގެންދާނެކަމަށެވެ.
މި ބަނދަރުގައި ސޮއިކުރުމުގެ ރަސްމިއްޔާތަށް ފަހު ކުޑަހުވަދޫ ރައްޔިތުންނާއި ބައްދަލުކުރައްވާ ވާހަކަ ދައްކަވަމުން ރައީސް ޑރ. މުއިއްޒު ވިދާޅުވީ މި ވިޔަފާރި ބަނދަރު، މި ދައުރުގެ ތެރޭގައި ރައްޔިތުންނަށް ފެނިގެންދާނެ ކަމަށެވެ.
