ދ. ހުޅުދެލީ ރައްޔިތުންނާއެކު މިއަދު މެންދުރު ބައްދަލުކުރައްވާ ވާހަކަދައްކަވަމުން ރައީސް މުއިއްޒު ވިދާޅުވީ ބުރާސްފަތި ދުވަހު ފްލެޓް ލިސްޓު ނެރޭނީ ހައުސިން މިނިސްޓަރު ބާއްވާ ނޫސްވެރިންގެ ބައްދަލުވުމަކަށް ފަހުކަމަށެވެ. ރައީސް ވިދާޅުވީ ފްލެޓް ލިސްޓުގައި ދިމާވި މައްސަލަ މިހާރު ހައްލުކޮށްފައިވާކަަމަށެވެ. އަދި އެ ލިސްޓުން ފްލެޓް ނުލިބޭ މީހުންނަށް ފެލްޓް ނުލިބުނު ސަބަބު ތަފްސީލުކޮށް އެނގެން އޮންނާނެކަމަށެވެ.
މި އަހަރަށް ރިޔާސީ ބަޔާން އިއްވަވަމުން ރައީސް މުއިއްޒު ވިދާޅުވީ ލިސްޓް އިއުލާންކުރުމަށްފަހު ފްލެޓް ނިމެމުންދާ ވަރަކަށް ފްލެޓް ލިބޭ ފަރާތްތަކަށް އެތަން ތަން ހަވާލުކުރަމުން ގެންދާނެކަމަށެވެ. އަދި މިއަހަރު ސެޕްޓެމްބަރުގެ ކުރިން ހުރިހާ ފްލެޓް ހަވާލުކުރައްވާނެކަމަށްވެސް ރައީސް ވިދާޅުވިއެވެ.
4000 ފްލެޓަށް ލީ ފޯމުތައް އިވެލުއޭޓް ކުރަމުން އަންނައިރު ފޯމުލީ އެންމެންގެ ފޯމުތައް އަލުން ބަލުން ބެލުމުގެ ބަދަލުގައި އަލުން އިވެލުއޭޓްކުރާނީ ގެޒެޓުކޮށްފައިވާ ފައިނަލް ލިސްޓުގައިވާ މީހުން އެކަނިކަމަށް ހައުސިން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު ވަނީ ވިދާޅުވެފައެވެ.
