ads
4000 ފްލެޓްގެ މަސައްކަތް ހިނގާ ގޮތް ބަލާލަން ހައުސިން މިނިސްޓަރުގެ ގޮތުގައި ހައިދަރު ހުންނެވިއިރު ކުރެއްވި ޒިޔާރަތުގެ ތެރެއިން
ފްލެޓާ ހަވާލުވާން އުޒުރުވެރިވަން: މިނިސްޓަރު
ކޯ އެޕްލިކެންޓެއްގެ ގޮތުގައި އަނބިކަބަލުންނަށް ގެދޮރުވެރިއާ ސްކީމުން ލިބިލެއްވި ފްލެޓާއި ހަވާލުވާން އުޒުރުވެރިވާކަމަށް ކުރީގެ ހައުސިން މިނިސްޓަރު އަދި މިހާރުގެ ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދު ވިދާޅުވެއްޖެއެވެ.
Advertisement

މިއަދު މީޑިއާތަކަށް ފޮނުއްވި މެސެޖެއްގައި ހައިދަރު ވިދާޅުވީ، ފްލެޓާއި ހަވާލުވާން އުޒުރުވެރިވަނީ މިހާރު ހުންނެވި ހައިސިއްޔަތުގެ ސަބަބުން ކަމަށެވެ. 

"އަޅުގަނޑު ދެކޭ ގޮތުގައި އަޅުގަނޑުމެން ދެމަފިރިންނަށްވުރެ މި ސްކީމުން ފްލެޓް ހައްގުވާ އެތަކެއް އާއިލާއެއް ތިބޭނެ. ވީމާ މި ސްކީމުން އަޅުގަނޑުމެންނަށް ލިބޭ ފްލެޓް ދޫކޮށްލުމަށް ގަސްތުކުރާ ވާހަކަ ނުހަނު ތާއަތާއި އިހުތިރާމާއެކު ދެންނެވީން،" ކަމަށް މިނިސްޓަރުގެ މެސެޖުގައި ވިދާޅުވެފައިވެއެވެ.

ސަރުކާރުން އާ ގެދޮރުވެރި ފުލެޓް ލިސްޓް މިއަދު ވަނީ އާންމުކޮށްފައެވެ. މިއީ ކުރިން އާންމުކުރި 4000 ފުލެޓް ލިސްޓަށް ގެނައި ބަދަލުތަކާއެކު އާންމުކުރި ލިސްޓެވެ.

މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާއިން ބުނީ މި ލިސްޓް ސައްހަކުރުމުގައި މައިގަނޑު ދެ ކަމަކަށް ބަލާފައިވާ ކަމަށެވެ. އެގޮތުން މާލޭގައި މެދުނުކެނޑި 15 އަހަރު ދިރިއުޅެފައިވޭތޯ އާއި ފޯމް ހުށަހެޅި މީހުންނަށް ދީފައިވާ ޕޮއިންޓް ވަނީ ބަލާފައެވެ.

އާ ލިސްޓްގައި 3 ކޮޓަރީގެ ފުލެޓް ލިބޭނީ 75 ޕޮއިންޓުން މަތިން ލިބޭ މީހުންނަށެވެ. އަދި 2 ކޮޓަރީގެ ފުލެޓް ލިބޭނީ 73 ޕޮއިންޓުން މަތިން ލިބޭ މީހުންނަށެވެ. މިނިސްޓްރީން އިތުރަށް ބުނީ މި ލިސްޓަކީ އޭސީސީން ކުރިއަށް ގެންދިޔަ ތަހުގީގަށްފަހު ރަނގަޅުކުރުމަށް އެންގި ކަންކަމަށް ރިއާޔަތްކޮށް އެކުލަވާލި ލިސްޓެއް ކަމަށެވެ.

ފުލެޓް ލިބޭ މީހުންގެ ޕޮއިންޓަށް އައި ބަދަލުތައް ވަނީ ގެދޮރުވެރިން ޕޯޓަލްގައި އަޕްޑޭޓްކޮށްފައެވެ. އަދި ޕޮއިންޓަށް ބަދަލު އައިސްފައިވާނަމަ، އެ ބަދަލު އައި ސަބަބު ވެސް ޕޯޓަލްއިން ފެންނަން ހުންނާނެ ކަމަށް މިނިސްޓްރީން ބުންޏެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް