މާލޭ ސިޓީން ކައުންސިލުން ހެދި އޮޅުހިޔާ ރައީސް މުއިއްޒު ހުޅުވާދެއްވިތާ 24 ގަޑިއިރުވެސް ނުވަނީސް އެތަން މާލޭ ސިޓީ ކައުންސިލުން ނަގާ މިނިސްޓްރީެއާ ހަވާލުކުރި އެވެ. ސަބަބެއްކަަމަށް ސަރުކާރުން ބުނީ އެތަނަށް ބޭނުންވާ ވަސީލަތްތައް ހަމަނުވުންކަމަށެވެ.
މާލެ ސިޓީ ކައުންސިލުގެ ބެލުމުގެ ދަށުގައި އޮތް "އޮޅުހިޔާ" ދަނޑުވެރިކަމާއި ދިރޭތަކެތީގެ މިނިސްޓްރީގެ ދަށަށް ރަސްމީކޮށް ބަދަލުކުރީ މިދިޔަ ބުރާސްފަތި ދުވަހުއެވެ.
އޮޅުހިޔާ އާއި ހަވާލުވިތާ 16 ގަޑިއިރުގެ ތެރޭގައި އެތަނަށް ބޭނުން ވަސީލަތްތައް ގާއިމުކޮށް ނިންމާފައިވާކަމަށް މިނިސްޓްރީން ބުނެއެވެ. އަދި މާލޭ އުޅޭ ބުޅާތައް މިހާރު ނަގަން ފަށާފައިވާކަމަށްވެސް މިނިސްޓްރީން ވަނީ ބުނެފައެވެ.
މާލޭ ސިޓީ ކައުންސިލްގެ ބަޖެޓުން ހަރަދުކޮށްގެން ހެދި އޮޅު ހިޔާ ސަރުކާރަށް ނެގުމުން އެތަން ހަވާލުކުރާނީ އެކަމަށް ހިންގި ހަރަދު ދޭން އެއްބަސްވުމުންކަމަށް އެ ކައުންސިލުން ވަނީ ބުނެފައެވެ.
