ސަރުކާރުގެ ކުންފުނިތައް ބަލަހައްޓާ ޕްރައިވެޓައިޒޭޝަން އެންޑް ކޯޕަރަަޓައިޒޭޝަން ބޯޑް (ޕީސީބީ) އިން ބުނީ އެޗްޑީސީގެ ޗެއާމަންކަމުން މިއަދު ނާސިފް ވަކިކޮށްްފައިވާކަމަށެވެ. އަދި އޭނާ އެ މަގާމުން ވަކިކޮށް ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ)ގެ ޗެއާމަން ކަމުގެ މަޤާމަށް މިއަދު އައްޔަންކޮށްފައިވާކަމަށެވެ.
އެހެންނަމަވެސް މި ބަދަލު ގެނައި ސަބަބެއް ޕީސީބީ އަކުން ނުބުނެއެވެ.
ނާސިފް އެޗްޑީސީގެ ޗެއާމަންއަކަށް އައްޔަންކުރީ މިދިޔަ އަހަރުގެ ނޮވެމްބަރު މަހުގެ 6 ވަނަދުވަހުއެވެ. އެޗްޑީސީގެ ޗެއާއަކަށް އައްޔަންކުރުމުގެ ކުރިން ނާސިފް ހުންނެވީ ރީޖަނަލް އެއާޕޯޓްސްގެ ޗެއާ ޕާސަން އަަކަށެވެ. އެ މަގާމަށް އޭނާ އައްޔަނު ކުރެއްވީ މިދިޔަ އަހަރުގެ ޖެނުއަރީ 27 ގައެވެ.
ކުރީގެ ރައީސް އަބްދުﷲ ޔަމީންގެ ސަރުކާރުގައި ތިލަފުށި ކޯޕަރޭޝަން ލިމިޓެޑް (ޓީސީއެލް) ގެ މެނޭޖިން ޑިރެކްޓަރުގެ މަގާމާއި ގްރޭޓާ މާލެ އިންޑަސްޓްރިއަލް ޒޯން ލިމިޓެޑްގެ އެމްޑީގެ މަގާމު ވެސް ނާސިފް އަދާކުރެއްވި އެވެ.
