ads
ހުވަން ލޯންޗު ދިޔަވުމާ ގުޅިގެން ކަނޑުވެފައި ތިބި މީހުން: ސަލާމަތްކުރި މީހުންގެ ތެރޭގައި ހަތަރު ކުޑަކުދިން ހިމެނޭ -- ފޮޓޯ: ފުލުހުން
މަހިބަދޫ ކައިރީގައި އަޑިއަށް ދިޔަ ލޯންޗު ނަގައި މަރާމާތުކުރަން ފަށައިފި
އދ. ދިގުރަށުން މާލެއަށް ދަތުރުކުރަމުން ދަނިކޮށް މިދިޔަ އާދިއްތަ ދުވަހު މަހިބަދޫ ކައިރީގައި އަޑިއަށް ދިޔަ "ހުވަން" ލޯންޗު ކަނޑުން ނަގައި މަރާމާތުކުރަން ފަށައިފިއެވެ.
Advertisement

ލޯންޗު ދިގުރަށު ފަޅުގައި ބާއްވައިގެން މިހާރު ވަނީ މަރާމާތުކުރުމުގެ މަސައްކަތް ފެށައިފައެވެ. މި ލޯންޗުގައި އެ ދުވަހު ދަތުރުކުރަމުން ދިޔައީ ދިގުރަށުގެ އެކިއެކި ގެސްޓް ހައުސްތަކުގެ ޓޫރިސްޓުންނާ އެކު 48 މީހުންނެވެ. އޭގެ ތެރޭގައި ހަތަރު ކުޑަކުދިން ވެސް ހިމެނެއެވެ. ލޯންޗު ހެނދުނު ދިގުރަށުން ފުރައިގެން 30 ވަރަކަށް މިނެޓަށް ދުއްވުމަށްފަހު ޖެހި ރާޅަކާ ގުޅިގެން އަޑިއަށް ދިޔައީއެވެ. 

ފުލުހުން މައުލޫމާތުދިން ގޮތުގައި އާދިއްތަ ދުވަހު ހެނދުނު 7:57 ހާއިރު ދިގުރަށުން ފުރައިގެން މާލެއަށް ދަތުރުކުރަމުން ދިޔަ "ހުވަން" ނަމަކަށް ކިޔާ ލޯންޗު އަޑިއަށް ދިޔަކަމުގެ މައުލޫމާތު ލިބުނެވެ. މި ލޯންޗުގައި 45 ފަސިންޖަރުންނާއި ތިން ފަޅުވެރިން ތިބިއިރު، އޭގެ ތެރޭގައި ހަތަރު ކުޑަކުދިން ވެސް ހިމެނެއެވެ. 

މި ހާދިސާގެ މައުލޫމާތު ލިބުމުން ފުލުހުންގެ އެމަޖެންސީ ރެސްޕޮންސް ޓީމްތައް ވަގުތުން އެސަރަހައްދަށް ފޮނުވައި، ފެތިފައިވާ ލޯންޗުގައި ތިބި އެންމެން ރައްކާތެރިކަމާއެކު ސަލާމަތްކުރުމުގެ މަސައްކަތް ވަނީ ކުރެވިފައެވެ. ކަނޑުވި ލޯންޗުގައި ތިބި ހުރިހާ ފަސިންޖަރުންނާއި ފަޅުވެރިން ދިގުރަށަށް ގެންގޮސްފައިވާއިރު އެއްވެސް މީހެއްގެ ހާލު ބޮޑެތި ދަތިތަކެއް ދިމާވެފައިނުވާކަމަށް ފުލުހުން ބުންޏެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް