ads
ރައީސް މުއިއްޒު އަދި އިސްލާމިކް މިިނިސްޓަރު ޝަހީމް
އިސްލާމްދީނުގެ ހިދާޔަތު ދެމެހެއްޓުމަށް ގުޅިގެން މަސައްކަތްކުރަން ޖެހޭ: މިނިސްޓަރު
އިސްލާމްދީނުގެ ހިދާޔަތު ދެމެހެއްޓުމަށް އެންމެން ގުޅިގެން މަސައްކަތް ކުރަންޖެހޭކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސަޢީދު ވިދާޅުވެއްޖެއެވެ.
Advertisement

މިނިސްޓަރު މިހެން ވިދާޅުވީ ގދ. ގައްދޫގައި ބޭއްވުނު އިހްޔާ ފޯރަމާ ގުޅިގެން ގައްދޫ ރައްޔިތުންނަށާއި ކައުންސިލަށް ޝުކުރު އަދާކުރުމަށް އެމަނިކުފާނުގެ ރަސްމީ ފޭސްބުކް އެކައުންޓުގައި ކުރެއްވި ޕޯސްޓެއްގައެވެ.

އިސްލާމިކް މިނިސްޓްރީން ރޯދަ މަހުގެ ރޭތައް އިހްޔާ ކުރުމަށް ރާވާފައިވާ ސިލްސިލާ ފޯރަމްތަކުގެ ތެރެއިން ފުރަތަމަ ފޯރަމް ބޭއްވިފައިވަނީ ގދ. ގައްދޫގައެވެ. ފޯރަމްގައި "ހެޔޮ ގޮތުގައި މުދާ ހޯދުމާއި ބޭނުން ކުރުން" މައުލޫއަށް ތަގުރީރު ކުރެއްވީ އިސްލާމިކް މިނިސްޓްރީގެ ސްޓޭޓް މިނިސްޓަރު އަބްދުއްލަ ސައުދާންއެވެ. މި ފޯރަމަށް ގައްދޫގެ ގިނަ އަދަދެއްގެ ރައްޔިތުން ހާޒިރުވިއެވެ.

ސްޓޭޓް މިނިސްޓަރު ސައުދާން އޭނާގެ ތަގުރީރުގައި، ހެޔޮ ގޮތުގައި މުދާ ހޯދުމާއި ބޭނުން ކުރުމާ ގުޅޭގޮތުން ކީރިތި ގުރުއާނާއި ރަސޫލާގެ ސުންނަތުން ދަލީލު ނަންގަވައިގެން ގިނަ މައުލޫމާތުތަކެއް ހިއްސާކުރެއްވިއެވެ. މި ފޯރަމް ކުރިއަށް ގެންދިއުމަށް ގައްދޫ ކައުންސިލުން ދެއްވި އެއްބާރުލެއްވުމާއި އެހީތެރިކަން އިސްލާމިކް މިނިސްޓަރު ޝަހީމް ޕޯސްޓުގައި ފާހަގަކުރެއްވިއެވެ.

އިސްލާމިކް މިނިސްޓްރީން މި ރޯދަ މަހު ޖުމުލަ 21 އިހްޔާ ފޯރަމް ބޭއްވުމަށް ރާވާފައިވެއެވެ. މިގޮތުން މާލޭގައި 8 ފޯރަމް އަދި އަތޮޅުތެރޭގެ 7 ރަށެއްގައި ފޯރަމް ބޭއްވުމަށް ހަމަޖެހިފައިވާއިރު، ސްކޫލް ދަރިވަރުންނަށް އަމާޒުކޮށްގެން 6 ފޯރަމް ބޭއްވުމަށްވެސް ވަނީ ނިންމާފައެވެ. މިއީ ރޯދަ މަހުގެ ރޭތައް އިހްޔާ ކުރުމަށް އިސްލާމިކް މިނިސްޓްރީން ކުރަމުންދާ މަސައްކަތްތަކުގެ ތެރެއިން ބައެކެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް