މަސްދަޅު ކޭސް ނަގަނީ. ގިނަ ބަޔަކު ވަނީ މަސްދަޅު ކޭސް ބަލާ ނުކުމެފައި.ފޮޓޯ: މިހާރު
މާލޭގެގައި މަސްދަޅު ބެހުން އަންނަ ހޯމައަށް ނިންމަނީ
މުހައްމަދު އާދަމް އަހްމަދު
06 މާރޗް 2025 - 11:56:57
ސަރުކާރު މިއަހަރުގެ ރޯދަ ހަދިޔާގެ ގޮތުގައި ދިން މަސްދަޅު ކޭސްތައް މާލޭ ސަރަހައްދުގައި އަންނަ ހޯމަދުވަހުގެ ނިޔަލަށް ބަހާ ނިންމަން މަސައްކަތް ކުރަމުން އަންނަކަމަށް ލޯކަލް ގަވަނެންސް މިނިސްޓަރު އާދަމް ޝަރީފު އުމަރު ވިދާޅުވެއްޖެއެވެ.
Advertisement
މާލޭގައި މަސްދަޅު ކޭސްތައް ބަހަން ފެށީ މިިދިޔަ މަހުގެ 20 ވަނަދުވަހުއެވެ.
މިނިސްޓަރު އާދަމް ޝަރީފް އުމަރު ވިދާޅުވީ އަމާޒަކީ މިމަހުގެ 20 ވަނދުވަހުގެ ނިޔަލަށް މާލޭގައި މަސްދަޅު ކޭސް ބަހާ ނިންމުންކަމަށެވެ. އަދި މިއަދު މަސްދަޅު ކޭސް މިހާތަނަށް ނުލިބޭ އަތޮޅުތަކަށް ހަދިޔާ ފޯރާނެކަމަށާއި އޭރުން މުޅި ރާއްޖެއަށް ހަދިޔާ ބަހާ ނިމުނީކަމަށް މިނިސްޓަރު ވިދާޅުވިއެވެ.
" މާދަމާ (މިއަދު) ގއ. އަދި ގދ. އަތޮޅުގެ ހުރިހާ ރަށަކަށް ރޯދަ ހަދިޔާ ފޯރާނެ. އޭރުން މުޅި ރާއްޖެ ކަވާވީ." އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވިއެވެ.
މިނިސްޓަރު އާދަމް ޝަރީފް ވިދާޅުވީ މިދިޔަ އަންގާރަ ދުވަހުގެ ނިޔަލަށް މާލެ ސަރަހައްދުގައި 40،000 އަށް ވުރެ ގިނަ މަސްދަޅު ކޭސް ބަހާފައިވާކަމަށެވެ.
ރޯދަ ހަދިޔާގެ ގޮތުގައި ކޮންމެ ގޭބިސީއަކަށް 180 ގްރާމުގެ 48 ދަޅުގެ މަސްކޭހެއް ވަނީ ބަހާފައެވެ. މީގެއިތުރުން ރޯދަމަހުގެ ފެނާއި ކަރަންޓް ބިލު 10 އިންސައްތަ ޑިސްކައުންޓް ދިނުމަށްވެސް ވަނީ ނިންމާފައެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
