ads
ބަލިޖެހިފައިވާ ކޮތަރެއް
ބަލި ކޮތަރުގައި އަތް ނުލާ، ކުޑަކުދިން ވެސް ގާތް ނުކުރޭ : މިނިސްޓްރީ
ކޮތަރުތަކަށް ޖެހިފައިވާ ބަލިން އިންސާނުންނަށް ނުރައްކަލެއް ނެތްނަމަވެސް އެތަކެއްޗައި ކުޑަކުދިން ގާތްކޮށް ހެދުމާއި އަތްނުލުމަށް ދިރޭތަކެއްޗާ ބެހޭ މިނިސްޓްރީން އިލްތިމާސްކޮށްފިއެވެ.
Advertisement

އެ މިނިސްޓްރީން މިއަދު ނެރުނު ބަޔާނެއްގައި ބުނީ މާލޭގެ އެކި ސަރަޙައްދުތަކުގައި ގިނަ އަދދެއްގެ ކޮތަރުތައް މަރުވަމުންދާކަން ފާހަގަވުމާއިއެކު، އެކަމުގެ ހަގީގަތް ދެނެގަތުމަށް މިނިސްޓްރީން ސާންޕަލް ނަގައި ތަހުލީލު ކޮށްފައިވާކަމަށެވެ. މި ތަހުލީލުތަކުން ކޮތަރަކުކަށް ޖެހިފައިވަނީ އިންފެކްޝަސް ކޮރައިޒާ ކަމަށް ދެނެގަނެވިފައިވާކަމަށެވެ. 

މި ބައްޔަކީ އާންމުކޮށް ދޫނި ނޭވާލާ ނިޒާމަށް ޖެހޭ ބައްޔެއްކަމަށާއި މީ އެވިބެކްޓީރިއަމް ޕެރަލިނޭރަމް ނަމަށް ކިޔާ ދޫނީގެ ނޭވާލާ ނިޒާމަށް ހަމަލާދޭ ބެކްޓީރިއާއެއްގެ ސަބަބުން ޖެހޭ ބައްޔެއްކަމަށްވެސް މިނިސްޓްރީން ބުނެއެވެ. އެހެންނަމަވެސް މި ބަލީގެ ސަބަބުން އިންސާނުންނަށް ނުރަކަލެއްނެތްކަމަށާއި އެހެންނަމަވެސް ކުޑަކުދިން އެ ތަކެއްޗާއި ގާތްނުކުރުމަށް މިނިސްޓްރީން ބުނެއެވެ. 

" މ ބައްޔަކީ އިންސާނުނަށް، އޭގެ ސަބަބުން އެއްވެސް ނުރައްކަލެއް ކުރިމަތިކުރުވާނެ ބައްޔެއް ނޫން.
ރައްކާތެރިގޮތަކީ ކުޑަކުދިން މަރުވެފައިވާ ކޮތަރު، ނުވަތަ ބަލިވެފައިވާ ކޮތަރުތަކާއި ކައިރިނުކުރުމާއި
ބޮޑެތި މީހުންވެސް އެތަކެތީގައި އަތްލައި ހިފައި އުޅޭއިރު، ރައްކާތެރިކަމުގެ ވަސީލަތެއް ބޭނުންކުރުން." މިނިސްޓްރީން ނެރުނު ބަޔާނުގައިވެއެވެ.

މި ބަލިޖެހުމުން ނޭފަތުން ފެން އައިސް، ދޫނި ކެއްސާ، ނޭވާލުމަށް އުނދަގޫވެ، ބޮލާއި މޫނު ދުޅަވެ، ކެއިން
ބުއިމަށް އުނދަގޫވާ ބައްޔެއް. މި ބައްޔަކީ ކުޑަ ދުވަސްކޮޅެއްގެ ތެރޭގައި، އޭގެ ޒާތުގައި އަމިއްލައަށް ކޮންޓްރޯލްވާނެ ބައްޔެއްކަމަށްވެސް ދިރޭ ތަކެއްޗާއި ބެހޭ މިނިސްޓްރީން ބުނެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް