
ރަސްފަންނާއި ސަލްޓަންޕާކް ގެ ހާލަތު ފެނިފައި ހިތާމަކުރައްވާކަމަށާއި އެ ތަން ކުރިޔަށްވުރެވެސް ފުރިހަމަކޮށްދެއްވާނެކަމަށް މިދިޔަ މަހުގެ ރަސްފަންނަށޤ ކުރެއެްވި ޒިޔާރަތަކަށްފަހު ރައީސް ޑރ. މުހައްމަދު މުިއއްޒު ވަނީ ވިދާޅުވެފައެވެ. އަދި އެއާއި އެކު ރަސްފަންނު މަރާމާތުކުރުމުގެ މަސައްކަތް ފެށިކަން އިންފްރާސްޓްރަކްޗާ މިނިސްޓްރީން ވަނީ ބުނެފައެވެ.
ރައީސް އޮފީހުން ބުނީ ރައީސް ޑރ. މުހައްމަދު މުއިއްޒު މިއަދު ރަސްފަންނަށް ޒިޔާރަތްކުރައްވައި، އެތަނުގެ މާހައުލަކީ ހިތްފަސޭހަ ތަނަކަށް ހެއްދެވުމަށް ސަރުކާރުގެ މުއައްސަސާތަކާއި ކުންފުނިތައް ގުޅިގެން ކުރަމުން ގެންދާ މަސައްކަތްތައް ބައްލަވާލެއްވިކަމަށެވެ. އަދި ވަގުތީ ގޮތުން ރަސްފަންނު ބޭނުންކުރެވޭ ހާލަތަށް ގެނައުމަށް ކޮއްފައިވާ މަސައްކަތްތުގެ މައުލޫމާތު ރައީސް ހޯދެއްވިކަމަށް ރައީސް އޮފީހުން ބުނެއެވެ.
ރަސްފަންނު މަރާމާތުކުރުމުގެ މަސައްކަތް ދާގޮތް ރައީސް މުއިއްޒު ބައްލަވާލައްވަނީ
މިއަދުން ފެށިގެން ވަގުތީގޮތުން ރަސްފަންނު ޢާންމުންނަށް ހުޅުވާފައިވާކަމަށް ރައީސް އޮފީހުން ބުނެއެވެ، މިގޮތުން ރަސްފަންނުގެ މޫދުން ކިސަޑު ނަގައި ގޮނޑުދޮށުން ގިރައިގެންގޮސްފައިވާ ސަރަޙައްދަށް މިހާރު ވަނީ އަލުން ދޮންވެލިލައި އެއްވަރުކޮށްފައިކަމަށް އެ އޮފީހުން ބުނެއެވެ. މީގެ އިތުރުން ވީރާނާވެފައި ހުރި ހަޓުތަކުގެ ފުރާޅާއި މޭޒާއި ގޮނޑިތައް އަލުން މަރާމާތުކޮށް، ހަލާކުވެފައި ހުރި ފެންވަރާ މާގަނޑުތައް ވަނީ ރަނގަޅުކޮށްފައިވާކަމަށްވެސް ރައީސް އޮފީހުން ބުނެއެވެ.
މި ރޯދަމަސް ނިމުމާއެކު ރަސްފަންނު ބޭނުންކުރާ ފަރާތްތަކަށް ފާހާނާ ބަރިއެއް ޤާއިމުކުރުމާއެކު މަސްބޭނުމަށް މިހާރުވެސް ބޭނުންކުރަމުންދާ ޕްލެޓްފޯމްގެ އާބާތުރަފިލުވައި އަލުން ތަރައްޤީ ކުރުމަށް ހަމަޖެހިފައިވާކަމަށް ރައީސް އޮފީހުން ބުނެއެވެ. އަދި ރަސްފަންނާއި ސަލްޓަންޕާކަށް ދާއިމީ ހައްލުތަކެއް ގެނައުމަށް އަލުން ތަރައްގީ ކުރުމުގެ ޕްލޭންތަކެއް ހެދުމުގެ މަސައްކަތް ސަރުކާރުން މިހާރު ކުރަމުން އަންނަކަމަށްވެސް ރައީސް އޮފީހުން ބުނެއެވެ.