ads
މާލޭގެ ކާނުތައް ސާފުކުރުމުގެ މަސައްކަތް ސިޓީ ކައުންސިލުން ކުރަނީ
މާލޭއިން ފެން ނުހިނދޭތީ މިނިސްޓްރީން ކާނު ސާފުކުރަން ނިކުންނަނީ
މާލެއިން ފެން ހިނދުން ލަސްކަމަށް ބުނެ ލޯކަލް ގަވަނެނެސް މިނިސްޓްރީން ނުކުންނަން ނިންމައިފިއެވެ.
Advertisement

މާލޭގެ ކާނުތައް ސާފުކޮށް ބަލަހައްޓަމުން އަންނަނީ މާލޭ ސިޓީ ކައުންސިލުންނެވެ. އެ ކައުންސިލުން އެލި ސަރަހައްދުތަކަށް ބަހާލައިގެން ކޮންމެ ދުވަހަކުވެސް އަންނަނީ މާލޭގެ ކާނުތައް ސާފުކުރުމުގެ މަސައްކަތް ކުރަމުންނެވެ. 

ލޯކަލް ގަވަނެންސް މިނިސްޓަރު އާދަމް ޝަރީފް އުމަރު އެކްސްގައި ކުރެއްވި ޕޯސްޓެއްގައި ވިދާޅުވީ މާލޭގެ ކާނުތަކުން ފެން ހިނދުން ލަސްވުމުގެ ސަބަބުން ރައްޔިތުންނަށް ތަކްލީފުތައް ކުރިމަތިވަމުން އަންނަކަމަށެވެ. އެހެންކަމުން އެ ތަކްލީފުތައް ކުޑަކުރުމަށް އެހީތެރިވުމުގެ ގޮތުން މިނިސްޓްރީން ކާނުތައް ސާފުކުރަން ނިކުންނަން ނިންމާފައިވާކަމަށެވެ.

މާލޭގެ ކާނުތައް ސާފު ކުރުމުގެ މަސައްކަތް މާދަމާއި ފެށިގެން މިނިސްޓްރީން ކުރަމުން އަންނާނެކަަމަށްވެސް އާދަމް ޝަރީފް ވިދާޅުވިއެވެ. 

މިނިސްޓްރީގެ މި ނިންމުމަށް މާލޭ މޭޔަރު އާދަމް އާޒިމް ވަނީ މަރުހަބާ ދަންނަވާފައެވެ. އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ މާލެ  ސިޓީގެ  މަގުތަކުގެ ކާނުތައް  ސާފުކުރުމަށް ކައުންސިލުން  ކޮންމެދުވަހަކު  ކުރަމުންދާ  މަސައްކަތަށް އެހީތެރިވެ  ދެއްވަން ނިންމެވީތީވެ  ޝުކުރު  އަދާކުރާކަމަށެވެ.  

"އަޅުގަޑުގެ އަމާޒަކީ މާލެ ސިޓީއަކީ ރީތި، ސާފު، ފެހި، ހިތްފަސޭހަ ތަނެއްގެ ގޮތުގައި އޮތުން. މިކަން ހާސިލް ކުރެވޭނީ ދައުލަތުގެ ހުރިހާ މުއައްސަސާތަކާއި ހުރިހާ ރައްޔިތުންގެ އެހީތެރިކަމާއި އެކުގައި." އާދަމް އާޒިމް އެކްސްގައި ކުރެއްވީ ޕޯސްޓްގައި ވެއެވެ.

މާލޭ ސިޓީ ކައުންސިލުން ބަލަހައްޓަމުން އަންނަ ރަސްފަނުންގެ މަރާމާތުގެ މަސައްކަތްވެސް ހައުސިން މިނިސްޓްރީއާ ސަރުކާރު ކުންފުނިތަކުން ގުޅިގެން އަންނަނީ ކުރަމުންނެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް