ads
ފުލުހުން ބަނގުރާ ނައްތާލުމުގެ މަސައްކަތް ކުރަނީ
ބަނގުރާ ވިއްކާ ބިދޭސީން 24 ގަޑިއިރު ތެރޭ ޑީޕޯޓުކުރަން ފަށައިފި
ބަނގުރާ ގެންގުޅެ ވިއްކާ ބިދޭސީން ހައްޔަރުކުރެވުމަށްފަހު 24 ގަޑިއިރުތެރޭ ޑީޕޯޓްކުރެވޭ ގަވާއިދުގެ ތެރެއިން، ގަވާއިދާ ހިލާފަށް ބަނގުރާ ގެންގުޅެ ވިއްކުމުގެ ތުހުމަތުގައި ހައްޔަރުކުރެވުނު ބަންގްލަދޭޝް މީހަކު ޑީޕޯޓްކުރުމަށް ޓަކައި އިމިގްރޭޝަނާ ފުރަތަމަ ފަހަރަށް ހަވާލުކޮށްފިއެވެ.
Advertisement

ފުލުހުން މައުލޫމާތު ދިން ގޮތުގައި ހައްޔަރުކުރެވުނީ 44 އަހަރުގެ ސޮފިގުލް އިސްލާމް ނަމަކަށް ކިޔާ ބަންގްލަދޭޝް މީހެކެވެ.

މި މަހުގެ 5 ވަނަ ދުވަހު ކައުންޓާ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓު ގުޅިގެން ހިންގި އޮޕަރޭޝަނެއްގައި މާލޭ މަގުމަތިން އޭނާ ހުއްޓުވައި ބަލައިފާސްކުރެވުނެވެ. އަދި އޭނާ ދިރިއުޅޭ ގެ ބަލައިފާސްކުރުމުން 18 ފުޅި ބަނގުރާ ފެނިފައިވެއެވެ.

ސަރުކާރުން ފާއިތުވި ދުވަސްތަކުގައި އިއުލާން ކޮށްފައިވާ އާ އުސޫލާ އެއްގޮތަށް، ގަވާއިދާ ހިލާފަށް ބަނގުރާ ގެންގުޅެ ވިއްކާ ބިދޭސީން ހައްޔަރުކުރެވުމަށްފަހު 24 ގަޑިއިރުތެރޭ ޑީޕޯޓްކުރެވޭނެ އިންތިޒާމު މިހާރު ވަނީ ހަމަޖެހިފައެވެ. މިއީ އެ އުސޫލުގެ ދަށުން ޑީޕޯޓްކުރެވޭ ފުރަތަމަ ބިދޭސީ ކަމަށް ބެލެވެއެވެ.

ރައްޔިތުންގެ މަޖިލީހުގެ ފުރަތަމަ ދައުރުގެ ފުރަތަމަ ޖަލްސާގައި ރިޔާސީ ބަޔާން އިއްވަމުން ރައީސް ޑރ. މުއިއްޒު ވިދާޅުވި ގޮތުގައި ގައުމުގެ އިގްތިސާދު ކުރިއެރުވުމަށް އޮތް އެއް ބޮޑު ހުރަހަކީ ޑްރަގުގެ ވަބާއެވެ. އަދި މަސްތުވާތަކެތި ބޭނުންކޮށް، ގެންގުޅެ، އެ ތަކެތީގެ ވިޔަފާރިކޮށް، ގަވާއިދާ ހިލާފަށް ބަނގުރާ ގެންގުޅެ ވިއްކާ ބިދޭސީން ހައްޔަރުކޮށް، 24 ގަޑިއިރުތެރޭ ޑީޕޯޓްކުރެވޭނެ އިންތިޒާމު މިހާރު ވަނީ ހަމަޖައްސާފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް