ads
ވެލެރިޔާ ބެސެޑާ-ކަލިނޮޗްކިނާ ރާއްޖޭގައި
ހަނގުރާމައިގައި ފިރިމީހާ މަރުވެގެން ލިބުނު ފައިސާއިން ރާއްޖޭގައި އަގުބޮޑު ޗުއްޓީއެއް
ފިރިމީހާ ހަނގުރާމާގައި މަރުވިތާ އެންމެ 6 ހަފުތާގެ ތެރޭގައި ރަޝިޔާގެ 34 އަހަރުގެ އަންހެނަކު ކަމަށްވާ ވެލެރިޔާ ބެސެޑާ-ކަލިނޮޗްކިނާ، ފިރިމީހާގެ މަރުވުމުން ލިބުނު ބަދަލުގެ ފައިސާއިން 22,000 ޕައުންޑް (ގާތްގަނޑަކަށް 440,000 ރުފިޔާ) ހޭދަކޮށް ރާއްޖެއަށް އައިސް ޗުއްޓީ ހޭދަކުރަމުންދާކަން ސޯޝަލް މީޑިއާގައި ޝެއާކުރުމާ ގުޅިގެން އޭނާއަށް ފާޑުކިޔުންތަކާ ކުރިމަތިވެއްޖެއެވެ.
Advertisement

ވެލެރިޔާގެ ފިރިމީހާ ކަމަށްވާ 37 އަހަރުގެ ޕެޓާ ކަލިނޮޗްކިން ރަޝިޔާ ރައީސް ވްލަދިމީ ޕުޓިންގެ ވެގްނާ ޖަމާއަތުގައި މާލީގައި ހަނގުރާމަކުރަމުން ދަނިކޮށް މަރުވީއެވެ. 

މިދެމަފިރިން 12 އަހަރު ކައިވެނިކޮށްގެން އުޅެފައިވެއެވެ. އެގާރަ އަހަރުގެ ދަރިއަކު އެ ދެމަފިރިންގެ ހުރެއެވެ.

ޕެޓާ އަކީ ހަނަގުރާމައަށް ދިއުމުގެ ކުރިން ފެކްޓްރީއެއްގައި މަސައްކަތްކުރި މީހެއް ކަމަށާއި، އޭރު އޭނާގެ މުސާރައަކީ މަހަކު 860 ޕައުންޑް ކަމަށްވާއިރު، އޭނާ އެފްރިކާއަށް ދިޔައީ މަހަކު 2,065 ޕައުންޑްގެ މުސާރަ ލިބޭނެތީ ކަމަށް ވެލެރިޔާ ވަނީ ހާމަކޮށްފައެވެ. 

your imageވެލެރިޔާ ބެސެޑާ-ކަލިނޮޗްކިނާ އޭނާގެ އާއިލާއާއެކު

ވެލެރިޔާއަށް ފިރިމީހާ މަރުވުމުން ޖުމްލަ 43,025 ޕައުންޑްގެ ބަދަލެއް ލިބުނެވެ. އެ ފައިސާގެ ތެރެއިން ދެބައިކުޅަ އެއްބައި ފިރިމީހާގެ މަންމައަށް ލިބުނެވެ. ފިރިމީހާ ވަޅުލައި މާގިނަ ދުވަސްތަކެއް ނުވަނީސް ވެލެރިޔާ ޗުއްޓީއެއްގައި އުޅޭ ފޮޓޯތައް ސޯޝަލް މީޑިއާގައި ޝެއާކުރުމުން ގިނަ ބައެއްގެ ފާޑުކިޔުންތަކާ ކުރިމަތިވެފައިވެއެވެ.

"ރާއްޖެއަށް ގޮސް ނެގި ފޮޓޯތަކާ ގުޅިގެން އަހަރެން ލަދެއްނުގަނޭ. އަހަރެން ދިރިހުރިކަން އިހުސާސްކުރުމަށް ކުރެވޭ ހުރިހާ ކަމެއް ކުރާނަން. މީހުން ބުނާ އެއްޗަކަށް އަހަރެންނެއް މާބޮޑު އަހަންމިއްޔަތެއް ނުދޭނަން," މިހެން ވެލެރިޔާ ސޯޝަލް މީޑިއާގައި މެސެޖެއްގައި ބުނެފައިވެއެވެ.

އޭނާ ބުނެފައިވާ ގޮތުގައި ފިރިމީހާ މަރުވުމުން އޭނާވެސް މަރުވިހެން ހީވިއެވެ. ނަމަވެސް މިހާރު އޭނާ ދިރިހުރިކަން އިހުސާސްކުރުމަށް އެކި ކަންކަން ކުރަން ބޭނުންވާ ކަމަށް ވެސް ބުނެފައިވެއެވެ. 

"ސީދާ ބުނަންޏާ، އޭނަ މަރުވީ ކީއްވެގެންތޯ އަހަރެން ވެސް އަހަރެންގެ އަމިއްލަ ނަފްސާ ސުވާލުކުރޭ. ހިނގާ ތެދަށް ބުނަމާ، އޭނާ މަރުވީ ފައިސާއަށް," މިހެން ވެލެރިޔާ ބުނެފައިވެއެވެ.

މިހާރު އޭނާ އެދެނީ އޭނާގެ ދަރިފުޅާއެކު ރަޝިޔާ ނޫން އެހެން ގައުމެއްގައި ދިރިއުޅުމަށް ކަމަށް ބުނެފައިވެއެވެ.

31%
ކަމުގޮސްފި
15%
އަޑުއެހިތާ މިހުރީ
15%
ސަތޭކައަކުން ސުމެއް
38%
ވަރަށް ސަލާމް
ކޮމެންޓްސް