އޭނާ ރާއްޖެއަށް އައީ އިނގިރޭސިވިލާތުގެ ޓްރެވަލް ކުންފުންޏެއްގައި ޑެސްޓިނޭޝަން ރެޕްރެޒެންޓެޓިވެއްގެ ގޮތުގައި މަސައްކަތް ކުރުމަށް 6 މަސް ދުވަހުގެ މުއްދަތަށެވެ. ނަމަވެސް، ރާއްޖޭގެ ދިރިއުޅުމަށް ލޯބިވެ މިހާރު އޭނާގެ އުމުރުން 40 އަހަރު ވީއިރު، ތިން ދަރިންނާއެކު ދުނިޔޭގެ އެންމެ ކުޑަ ވެރިރަށް ކަމަށްވާ މާލޭގައި ދިރިއުޅެމުން ގެންދާ ވާހަކަ ވަނީ ހިއްސާކޮށްފައެވެ.
ރާއްޖޭގައި ދިރިއުޅުމުގެ ހަރަދު އިނގިރޭސިވިލާތަށް ވުރެ މައްޗަށް ދިޔަ ނަމަވެސް، ކުލޯއީ ބުނީ ރާއްޖެއަކީ އޭނާގެ ދަރިން ބޮޑުކުރަން އެންމެ ރަނގަޅު ތަން ކަމަށެވެ.
މިއާއެކު، ކުލޯއީއާއި އޭނާގެ ދިވެހި ފިރިމީހާ އާއި ދެމީހުންވެސް މަސައްކަތްކުރއެވެ. އަދި އެމީހުންގެކުދިން ސްކޫލަށް ވެސްދެއެވެ. ހަފްތާ ބަންދުގައި ޓޫރިސްޓް ރިސޯޓްތަކަށް ހާއްސަ ދަތުރުތައްވެސް ކުރެއެވެ.
ރާއްޖެއިން ސްރީލަންކާއަށް 90 މިނެޓުގެ ވައިގެ ދަތުރެއްގައި ދެވޭއިރު، ސިންގަޕޫރަށް 4 ގަޑިއިރު، އަދި އިންޑިއާއަށް 2 ގަޑިއިރުން ދެވޭތީ އޭޝިއާގެ ގިނަ ހިސާބުތަކަށް ފަސޭހައިން ދަތުރުކުރެވޭކަންވެސް ކުލޯއީ ފާހަގަކޮށްފައިވެއެވެ.
އަދި ރާއްޖޭގައި މަގުބޫލު ބްރޭންޑުތަކާއި ވިޔަފާރިތައް މަދުން ހުރި ނަމަވެސް، ސްޓާބަކްސް އަދި މެކްޑޮނަލްޑްސް ފަދަ ބްރޭންޑްތައް ނެތުމާއެކު، "ވަރަށް ތަރުތީބު ދިރިއުޅުމެއް" އުޅެވޭކަން އޭނާ ފާހަގަކުރިއެވެ.
ރާއްޖޭގައި ރިސޯޓްތައް ފިޔަވައި އެހެން ތަންތަނުގައި ބަނގުރާ ނުލިބޭތީ، އެއީވެސް ރާއްޖެ ރައްކާތެރި ތަނަކަށް ވުމުގެ ސަބަބެއް ކަމަށްވެސް އޭނާ ދެކެއެވެ.
ކުރިމަގުގައި ރާއްޖޭގައި ދިރިއުޅުން ކުރިއަށް ގެންދާނީތޯ ނުވަތަ އިނގިރޭސިވިލާތަށް ނުވަތަ އެހެން ގައުމަކަށް ބަދަލުވާނީތޯ އަދި ނިންމާފައިނުވާކަން ކުލޯއީ ބުންޏެވެ. ނަމަވެސް އޭނާއަށް މުޅިން އާ ތަނެއްގައި ދިރިއުޅުމުގެ ތަޖުރިބާވެސް ކުރަން ޝައުގުވެރިކަން ފާޅުކޮށްފައިވެއެވެ.
