އެއާ މޯލްޑިވްސްގައި ބޭނުންކުރި ޑޯނިއާ ދެ މަތިންދާ ބޯޓެއްވަނީ ފަޅުތެރެއަށް ފައްތާލާފައެވެ. އެ ކުންފުނިން އޭރު ބޭނުންކުރި ޑޯނިއާ 228 މަރުކާގެ، ދެ މަތިންދާބޯޓް ވަނީ ކުޑަގިރި ފަޅުތެރެއަށް ފައްތާލާފައެވެ. މިތަކެތި އެތަނަށް ފައްތާލާ ހެދި ޑައިވިން ސައިޓު މިއަދު ވަނީ ހުޅުވާލާފައެވެ.
ޑައިވް ސައިޓް ހެދުމަށް ޑޯނިއާ ކުޑަގިރި ފަޅަށް ފައްތާލަނީ
މިޑައިވް ރެކަށް ބަލަހައްޓަނީ ކުޑަގިރި ބަލަހައްޓަމުން އަންނަ އެޗްޑީސީންނެވެ. އެ ކުންފުން ބުނީ މި ސައިޓް އިތުރަށް ތަރައްގީކުރުމަށް އެތަނުގައި މުރަކަ އިންދުމަށް ހަމަޖެހިފައިވާކަމަށެވެ. މި ޑައިވް ރެކް އަކީ އެޗްޑީސީއާ އެމްއެމްޕީއާރުސީ ގުޅިގެން ހެދިތަނެކެވެ. މި ތަނަކީ ފަތުރުވެރިންނާއި އެތަނަށް ޒިޔާރަތްކުރާ ދިވެހިންނަށް ވެސް ހުޅުވާލާފައިވާ ތަނެއްކަމަށް އެޗްޑީސީން ބުނެއެވެ.
ޑައިވް ސައިޓް ހެދުމަށް ޑޯނިއާ ކުޑަގިރި ފަޅަށް ފައްތާފައި
މާލޭ ސަރަހައްދުގައި މީހުން ދަތުރު ދިޔުމަށް ބޭނުންކުރި ކުޑަބަނޑޮސް އަމިއްލަ ވިޔަފާރިއަކަށް ދޫކޮށްލުމުން މި ސަރަހައްދުގައި ޕިކިނިކް އައިލެންޑެއް ހަދާ ދިނުމަކީ ކުރީގެ ރައީސް އިބްރާހިމް މުހައްމަދު ސާލިހްގެ ރިޔާސީ ވައުދެކެވެ. އެ ވައުުދު ފުއްދެވީ މާލެ ކައިރީގައި އޮތް ކުޑަގިރި ފަޅުން 8 ހެކްޓަރު ބިން ހިއްކާ ރަށެއް ހަދައިގެންނެވެ. އަދި ރަށާއި އިންވެގެން 1.5 ހެކްޓަރުގެ ކުޑަ ފިނޮޅެއްވެސް ހެދިއެވެ.
