އެޕްރީލް 6 ވަނަ ދުވަހުން ފެށިގެން ބްލަޑް ސަރވިސަސް ހުޅުވިފައި ހުންނާނީ ހަފުތާގެ ހޮނިހިރު ދުވަހުން ފެށިގެން ބުރާސްފަތި ދުވަހާ ހަމައަށް ހެނދުނު 8:00 އިން ރޭގަނޑު 9:00 އަށެވެ.
ބްލަޑް ސަރވިސަސްއިން ދޭ ހިދުމަތްތަކުގެ ތެރޭގައި ހިމެނޭ އެޗްބީ ބެލުމަށް ސާމްޕަލް ނެގުމުގެ ހިދުމަތް ލިބޭނީ ހޮނިހިރު ދުވަހުން ފެށިގެން ބުރާސްފަތި ދުވަހާ ހަމައަށް ހެނދުނު 8:00 އިން ރޭގަނޑު 8:00 އަށެވެ. އަދި ކްރޮސްމެޗް ހެދުމަށް ސާމްޕަލް ނެގުމުގެ ހިދުމަތް ހޮނިހިރު ދުވަހުން ފެށިގެން ބުދަ ދުވަހާ ހަމައަށް ހެނދުނު 8:00 އިން ރޭގަނޑު 8:00 އަށް ލިބޭނެއެވެ. ނަމަވެސް ބުރާސްފަތި ދުވަހު މި ހިދުމަތް ލިބޭނީ ހެނދުނު 8:00 އިން ހަވީރު 5:45 އަށެވެ.
ތެލަސީމިއާ ސްކްރީނިން ހިދުމަތް ލިބޭނީ ހެނދުނު 8:30 އިން މެންދުރު 1:00 އަށެވެ. އަދި ތެލަސީމިއާ ކާޑު ދޫކުރުމުގެ ހިދުމަތް ލިބޭނީ ހެނދުނު 8:00 އިން މެންދުރުފަހު 2:00 އަށެވެ. ޑޯނަރުންގެ ގައިން ލޭ ނެގުމުގެ ހިދުމަތް ލިބޭނީ ހެނދުނު 8:00 އިން ރޭގަނޑު 7:45 އަށެވެ. އަދި ޑޯނަރުންގެ ގައިން އެފެރެސިސްކޮށް ލޭ ނެގުމުގެ ހިދުމަތް ލިބޭނީ ހެނދުނު 8:00 އިން ރޭގަނޑު 7:30 އަށެވެ. ލޭ ގުޅައިދިނުމުގެ ހިދުމަތްތަކާއި ޑޮކްޓަރުން ބެއްލެވުމުގެ ހިދުމަތްވެސް ވަކި ގަޑިތަކެއްގައި ލިބެން ހުންނާނެއެވެ.
