އިއްޔެ ބޭއްވި މަޖލީހުގެ މާލިއްޔަތު ކޮމެޓީގައި ވާހަކަ ދައްކަވަމުން ސަލީމް ވިދާޅުވީ ރާއްޖޭގައި ކޮރަޕްޝަންގެ ޖަރީމާ ހިންގާ މީހުންނާ މެދު މިދިޔަ 15 ވަރަކަށް އަހަރު ވެސް އެކަށީގެންވާ ފިޔަވަޅުތައް އެޅިފައި ނުވާކަމަށެވެ.
ސަލީމް ވިދަޅުވީ ގައުމު އިސްލާހުކުރުމުގެ ކުރުމުގެ ހުރިހާ ބާރެއް ރައްޔިތުން ދީފައިވަނީ ރައްޔިތުން މަޖިލިހުގެ މެމްބަރުންގެ އަތްމަށްޗަށްކަމަށާއި މެމްބަރުންގެ އެ ހިތްވަރު ނެތް ނަމަ ގައުމު އިސްލާހު ކުރެވޭނެ އެއްވެސް ގޮތެއް ނޯންނާނެކަމަށެވެ.
ސަލީމް ވިދާޅުވީ ގޯހުން ކަމެއް ހިނގިޔަސް ނުވަތަ މީހަކު ކުރިނަމަވެސް އެ މީހަކަށްވެސް ފިޔަވަޅު އެޅުމުގެ ބާރު އޮތީ މަޖިލީހަށްކަމަށެވެ. އެހެންކަމުން ކަންކަން ގޯހުން ދަނީ މަޖިލީހުގެ މެމްބަރުން ގޯސްވެ މަޖިލީހުގެ މެްމބަރުންގެ ހިތްވަރު ނެތުުމުންކަމަށް ސަލީމް ވިދާޅުވިއެވެ.
ރައްޔިތުން ހުރިހާ ބާރެއް ދިނީ ރައްޔިތުންގެ މަޖިލިހަށް ކަމަށާއި އޭގެ ތެރޭގައި ގާނޫނު ބަދަލުކުރުމާއި ރައީސުލްޖުމްހޫރިއްޔާ އާއި ފަނޑިޔާރުން ވަކިކުރުމުގެ އިތުރުންވެސް އެހެނިހެން ބާރުތައް ހިމެނޭކަން ސަލީމް ފާހަގަކުރެއްވިއެވެ.
އިއްޔެ ބޭއްވި މާލިއްޔަތު ކޮމެޓީގައި ސަލީމް މިވާހަކަ ދައްކަވާފައިވަނީ ސަރުކާރު ހިއްސާވާ ބައެއް ކުންފުނިތަކުގެ ކޮރަޕަޝަން މައްސަލަތަކުހެ ވާހަކަތައް އެ ކޮމެޓީގައި ދެއްކުމުންނެވެ.
