ނިހިލް ވިޖަޔެންދުރާ ސިމްހާގެ ޕޮޑްކާސްޓެއްގައި ވާހަކަދައްކަމުން، 2012 ގައި ވަރިވުމަށްފަހު އަލުން ކައިވެނިކުރުމަށް ޝައުގުވެރިނުވި ސަބަބު ސާފުކޮށްދިނެވެ. ދެސާއީ ބުނީ އޭނާގެ ދަރިން ކަމަށްވާ އަކިރާ ނަންދަން އަދި އާދިޔާގެ މަސްލަހަތު ރައްކާތެރިކުރުމަށްޓަކައި އަމިއްލަ އުފާ ފަސްކޮށްފައިވާ ކަމަށެވެ.
ޚާއްސަކޮށް އޭނާގެ ދަރިފުޅު އާދިޔާ 18 އަހަރު ވެ ކޮލެޖަށް ދިއުމަށްފަހު އަލުން ގުޅުމެއް ފަށަން ވިސްނާނެކަމަށް ދެސާއީ ފާހަގަކޮށްފައިވެއެވެ. 2018 ގައި އަލުން ކައިވެނިކުރަން އެންގޭޖްވެފައިވީނަމަވެސް، ދަރިފުޅުގެ މަސްލަހަތަށްޓަކައި އެކަން ކެންސަލްކުރިކަންވެސް ހާމަކޮށްފައިވެއެވެ.
ދެސާއީ އިތުރަށް ހާމަކޮށްފައިވަނީ ޕަވަން ކަލިޔާންގެ ބައެއް ފޭންސްގެ ފަރާތުން އޮންލައިންކޮށް ދިމާވާ ފާޑުކިޔުންތަކާއި ދަތިތަކުގެ ވާހަކައެވެ.
ވަރިވުމަށްފަހު އަންހެނުންނަށް ގިނަފަހަރު ފާޑުކިޔާކަމަށާއި، އޭނާގެ އަގު އެހާ ބޮޑަށް ވެއްޓުނީ އޭނާއަކީ މަޝްހޫރު މީހަކަށް ނުވާތީކަމަށް ވެސް ބުނެފައިވެއެވެ. 2009 ގައި ކައިވެނިކޮށް 2012 ގައި ވަރިވި ދެމަފިރިން މިހާރު ދަރިންގެ ޒިންމާ ބަހާލައިގެން އުފުލަމުންދާއިރު، ދެސާއީ މިހާރު މަރާތީ ސިނެމާގައި މަސައްކަތްކުރަމުންދާކަން ފާހަގަކޮށްލެވެއެވެ.
