ބްރެޒިލްގެ ރޮނާލްޑޯގެ ރަން ޒަމާނުގައި، ނަވާރަ ސަތޭކަ ނުވަދިހަ ހަތަކުން ދެހާސް ދެވަނަ އަހަރާއި ހަމައަށް އިޓަލީގެ އިންޓަމިލާނަށް ރޮނާލްޑޯއާއި އެކު ކުޅުނު ވިއޭރީގެ ނަޒުގައި ޕޯޗުގަލްގެ ރޮނާލްޑޯއަށްވުރެ ބްރެޒިލްގެ ރޮނާލްޑޯ މާ މޮޅެވެ. ރޮނާލްޑޯއާ އެކު ކުޅުނު ވިއޭރީ ބުނި ގޮތުގައި ރޮނާލްޑޯއަކީ ހަލުއި، އަދި އެހާމެ ވަރުގަދަ ފޯވާޑެކެވެ.
ދެފަހަރަށް ވޯލްޑްކަޕް ކާމިޔާބުކޮށް އަދި، ދުނިޔޭގެ އެންމެ މޮޅު ކުޅުންތެރިޔާގެ މަގާމު ދެ ފަހަރު ހޯދާފައިވާ ބްރެޒިލްގެ ރޮނާލްޑޯއަކީ އެންމެ މޮޅު ކުޅުންތެރިޔާ ކަމަށް ވިއޭރީ ދުށް ނަމަވެސް، ޕޯޗުގަލްގެ ރޮނާލްޑޯއަށްވެސް އޭނ ތައުރީފު ކުރިއެވެ. ޕޯޗިގަލްގެ ރޮނާލްޑޯއަށް ވޯލްޑްކަޕް ކާމިޔާބު ކުރެވިފައި ނުވި ނަމަވެސް ޔޫރޯ ކާމިޔާބުކޮށްފައިވެއެވެ. އަދި ދުނިޔޭގެ އެންމެ މޮޅު ކުޅުންތެރިޔާގެ މަގާމު ކްރިސްޓިއާނޯ ރޮނާލްޑޯވަނީ ފަސް ފަހަރު ހޯދާފައެވެ.
ދެ ކުޅުންތެރިންނަކީވެސް ދުނިޔޭގެ އެންމެ މަތީ ފެންވަރުގައި ކުޅެ ކާމިޔާބީތަކެއް ހޯދާފައިވާ ދެ ކުޅުންތެރިންނެއް ކަމަކު، މިއީ މުޅިން ދެ ޒަމާނެއްގެ ދެ ކުޅުންތެރިންނެވެ. ޕޯޗުގަލްގެ ރޮނާލްޑޯ މަޝްހޫރުވީ ބްރެޒިލްގެ ރޮނާލްޑޯ ކުޅުން ހުއްޓާލި ފަހުންނެވެ.
