އެ ޕާޓީން ބޭއްވި ނޫސްވެރިންގެ ބައްދަލުވުމުގައި ބިރަކާ ނުލައި މަޖާކުރުމަކީ ކޮބައިކަން ކިޔައިދެއްވީ ކުރީގެ ޑިފެންސް މިިނިސްޓަރު އަމީން ފައިސަލްއެވެ.
ބިރަކާ ނުލައި މަޖާކުރުމަކީ ރައީސް މުހައްމަދު ނަޝީދު 2013 ވަނަ އަހަރުގެ ރިޔާސީ އިންތިހާބުގައި ބޭނުންކުރެއްވި މޮޓޯއެކެވެ.
އަމީން ފައިސަލް މިހެން ވިދާޅުވެފައިވަނީ މި މަހުގެ 18 ވަނަ ދުވަހު ގ. ފެންޓޯނިއާ ގެއިން ވެއްޓުނު އުމުރުން 21 އަހަރުގެ ހައްވާ ޔުމްނު ރަޝީދު ފުރާޅެއްގެ މައްޗަށް ވެއްޓުނު ހާދިސާއި، ގުޅުވައިގެން މިކަން އެހެން ހިނގަނީ "ބިރަކާ ނުލައި މަޖާކުރަން" ބުނި މީހުންގެ ސަބަބުންކަމަށް ރައީސުލް ޖުމްހޫރިއްޔާ ޑރ މުހައްމަދު މުއިއްޒު ވިދާޅުވެފައިވާތީއެވެ.
އަމީން ފައިސަލް ވިދާޅުވީ "ބިރަކާ ނުލައި މަޖާކުރުމަކީ ޑިކްޓޭރަރުން ބިރުގަންނަ" ބަހެއްކަމަށެވެ.
އަމީން ފައިސަލް ވިދާޅުވީ ބިރަކާ ނުލައި މަޖާކުރުމުގެ މޮޓޯގެ ދަށުން އޭރު ފުވައްމުލަކުގައި ޑައިވިން އިވެންޓެއް ބޭއްވިކަމަށެވެ. މިހާރު ފުވައްމުލަށް ޑައިވިން ހޮޓް ސްޕޮޓަކަށް މުޅި ދުނިޔޭގައިވެސް ވެފައިވާކަމަށް އޭނާ ފާހަގަކުރެއްވިއެވެ.
