އީޕީއޭއިން ބުނީ މިދިޔަ އަހަރުގެ ޑިސެމްބަރުމަހުގެ 18 ވަނަދުވަހު ސޮނެވާފުށީގެ މުވައްޒަފުންތަކެއް ފަތުރުވެރިންނާއެކު، ބ. ނެލިވަރު ސަރަޙައްދަށް ގަވާއިދާ ހިލާފަށްވަދެ، އެ ސަރަޙައްދުގައި ގަވާއިދާ ހިލާފު ޢަމަލުތަކެއް ކުރިޔަށް ގެންގޮސްފައިވާކަމަށެވެ.
ޢީޕީއޭއިން ބުނީ ބ. ނެލިވަރު ސަރަޙައްދަކީ ހިމާޔަތްކޮށްފައިވާ ސަރަޙައްދެއްކަމާއި، އަދި އެ ސަރަޙައްދަށް ވަދެ އުޅުމުގައި ގަވާއިދާ ހިލާފު ޢަމަލުތަކެއް ކުރިޔަށް ގެންގޮސްފިނަމަ ފިޔަވަޅު އަޅާނެކަން ބަޔާންކޮށް ސޮނެވާފުއްޓަށް 11 ޖޫން 2024 ގައި ސިޓީ އެއް ފޮނުވާފައިވާކަމަށެވެ. އެހެންނަމަވެސް މިދިޔަ ޑިސެމްބަރު މަހުގެ 18 ވަނަދުވަހު ސޮނެވާފުށީގެ މުވައްޒަފުންތަކެއް ފަތުރުވެރިންނާއެކު، އެކު ޖުމްލަ 10 މީހުން ބ. ނެލިވަރު ސަރަހައްދަށް އިރުއޮއްސި 18:00 ގެ ފަހުން ވަދެފައިވާކަމަށެވެ. އަދި އެކަން އެމީހުން ކޮށްފައިވަނީ މާޅޮސްމަޑުލު ދެކުނުބުރީ ބަޔޯސްފިއާ ރިޒާވް އޮފީސްގެ ހުއްދަ ހޯދުމެއް ނެތިކަމަށްވެސް އީޕީއޭއިން ނެރުނު ބަޔާނުގައިވެއެވެ.
ސޮނެވާފުށީގެ މުވައްޒަފުން ފަތުރުވެރިންނާއެކު، އެ ސަރަޙައްދަށް ދިޔުމުން އެތަން ދޫކޮށްދިޔުމަށް ބަޔޯސްފިއާ ރިޒާވްގެ މުވައްޒަފުންނާއި ފުލުހުން އެންގުމުންވެސް އެންގި އެންގުމާއި ހިލާފުވެ، އެފަރާތްތަކަށް އެއްބާރުލުން ދީފައި ނުވާކަމަށްވެސް އީޕިއޭއިން ބުނެއެވެ. އަދި ސޮނެވާފުށީގެ މުވައްޒަފުން ފަތުރުވެރިންނާއެކު، ބ. ނެލިވަރު ސަރަޙައްދު ދޫކޮށް ގޮސްފައިވަނީ އެ ސަރަހައްދުގައި ކުރިޔަށް ގެންދިޔުމަށް ރާވާފައިވާ ކަންތައްތައްކޮށް ނިންމުމަށްފަހުކަމާއި، އެ ސަރަޙައްދު ސާފުކޮށް ނިމިފައިކަމަށްވެސް އީޕީއޭގެ ބަޔާނުގައިވެއެވެ. އެހެންނަވެސް ސޮނުވާފުށި ޖޫރިމަނާކުރިންކަން އީޕީއޭއިން ނެރުނު ބަޔާނުގައިވެއެވެ.
އީޕީއޭއިން ވަނީ މި ފައިސާ މިމަހުގެ 23 ވަނަ ދުވަހުން ފެށިގެން 30 (ތިރީސް) ދުވަހުގެ ތެރޭގައި އެ އެޖެންސީއަށް ދައްކައި ހަލާސްކުރުމަށްވެސް އަންގާފައެވެ.
