ރަތްދޫލައިގެ ކުލަގަދަ ހަފުލާއަކަށްފަހު ޕްރިމިއާކުރި "އަބަދަށް" ފިލްމަކީ މި އަހަރުގެ ދިވެހި ފިލްމު ސީޒަން ފެށުމަށް ހަމަ އެންމެ ވަރުގަދަ ފިލްމުކަމަށް ފިލްމު ބެލި ގިނަ ބަޔަކު ފާހަގަކޮށްފައިވެއެވެ.
މި ފިލްމުން އެންމެ ބޮޑަށް ފާހަގަކޮށްލެވުނު އެއް ކަމަކީ ފިލްމުގެ ލީޑްގައި ހަރަކާތްތެރިވެފައިވާ ތަރިންގެ އެކްޓިންގެ މޮޅުކަމެވެ. ސޫޒަން އިބްރާހީމްފުޅު، އަހްމަދު ޝާރިފް، ވާޝިޔާ މުހައްމަދު، ޔޫސުފް ޝަފީއު އަދި އިސްމާއީލް ރަޝީދު ފަދަ ތަރިން ދައްކާފައިވަނީ އަސްލާއި އެއްގޮތް އެކްޓިންއެކެވެ. ސޫޒަންގެ ހަމަ ކޮންމެ ސީންއަކުންވެސް ފެނިގެންދަނީ އޭނާއަށް ޖެހިފައިވާ އެ ހާލަތުގެ މީހަކު، އަސްލު ދިރިއުޅުމުގައިވެސް ވާހަކަދައްކާނެގޮތެވެ. ޝާރިފުގެ ގުންޑާ ކެރެކްޓާގައި އޭނާ އެންމެ ފުރަތަމަ ވާހަކަދައްކާ މަންޒަރު ފެނިގެންދާ ސީންއަކީ ފިލްމު ބެލި އެންމެން ހައިރާންކޮށްލުވި ސީންއެކެވެ.
ފިލްމުގެ ހައިލައިޓުތައް:
• "އަބަދަށް" ފިލްމަކީ މޫމިން ފުއާދު ލިޔެ ޑައިރެކްޓްކޮށްފައިވާ ފިލްމެއް
• ފިލްމުގައި ސޫޒަން އިބްރާހީމްފުޅު، އަހްމަދު ޝާރިފް، ވާޝިޔާ މުހައްމަދު، ޔޫސުފް ޝަފީއު އަދި އިސްމާއީލް ރަޝީދު ހަރަކާތްތެރިވޭ
• ފިލްމުގެ ކެމެރާކުރުން: ކަނޑި އަދި ވިސާން
• ފިލްމުގެ ޑައިލޮގުތައް ބާރުގަދަކަމަށް ފިލްމު ބެލި ގިނަބަޔަކު ފާހަގަކޮށްފައިވޭ
• ފިލްމު ރިލީޒްކުރީ ކުލަގަދަ ރަތްދޫލައިގެ ހަފުލާއަކާއެކު މިދިޔަ މަހު 28 ވަނަ ދުވަހު
• ފިލްމުގެ ކްލައިމެކްސް ވަރަށް ވަރުގަދަކަމަށް ފާހަގަކުރެވޭ
