އެމަނިކުފާނު މިހެން ވިދާޅުވީ ސަރުކާރުން މިރޭ އިފްތިތާހުކުރި، ސަރުކާރުގެ ހުރިހާ ހިދުމަތެއް ޑިޖިޓަލްކޮށް، ރާއްޖެ ޑިޖިޓަލްކުރުމުގެ "މޯލްޑިވްސް 2.0 ފައްޓަވާ ދެއްވަމުންނެވެ.
ރައީސް މުއިއްޒު ވިދާޅުވީ، ސަރުކާރުން މި ފަށާ ޑިޖިޓަލައިޒޭޝަން މަސައްކަތް ކުރިއަށް އޮތް ތިން އަހަރުގެ ތެރޭ ނިންމައިލުމަކީ އަމާޒު ކަަމަށެވެ.
ޑިޖިޓަލައިޒޭޝަން ހިދުމަތު އެންމެ ބޮޑު އެއް ފައިދާއެއް ކުރާނީ ސަރުކާރުގެ އެކި ހިދުމަތްތައް ދޭ އިދާރާތަކުގެ ހިންގުމަށް ކަމަށް ރައީސް ވިދާޅުވިއެވެ. އެގޮތުން ޑިޖިޓަލައިޒޭޝަންގެ އަމާޒަށް ވާސިލްވުމުން އޮފީހުގައި ހިދުމަތް ދޭން ތިބެންޖެހޭ މުވައްޒަފުންގެ އަދަދު އެތައްތަނަކުން މަދުކުރެވޭނެ ކަމަށް ރައީސް ވިދާޅުވިއެެވެ.
ސިވިލް ސާވިސްގައި މިހާރުވެސް 49،000 އެއްހައި މުވައްޒަފުން މަސައްކަތްކުރައްވަމުން އަންނަކަން ފާހަގަކުރައްވަމުން ރައީސް މުއިއްޒު ވިދާޅުވީ ޑިޖިޓަލައިޒޭޝަން ނިމުމުން ސަރުކާރުގެ ބައެއް މުވައްޒަފުން މަސައްކަތް ކުރާނީ ގޭގައި ތިބެގެންކަމަށެވެ.
ކަނޑައެޅޭ ވަކި އުސޫލެއްގެ ތެރެއިން މިކަން ކުރުމުން ގެއިން މަސައްކަތްކުރާ ގޮތަށް ކަނޑައަޅާ މުވައްޒަފުންގެ ތެރޭގައި ހަފްތާއަކު 30 ގަޑިއިރު ނުވަތަ ކަނޑައެޅޭ ވަކި ވަގުތެއްގައި އޮފީހަށް އަންނަން ޖެހޭ މުވައްޒަފުން ވެސް ތިބޭނެ ކަމަށް ރައީސް ވިދާޅުވިއެވެ.
