މިއަދަކީ މަންމައިންގެ ދުވަސް ކަމަށްވާތީ، ފަސްޓް ލޭޑީ ސަޖިދާ ސޯޝަލް މީޑިއާގައި މި ޝުއޫރުތައް ހިއްސާކުރެއްވިއެވެ.
ފަސްޓް ލޭޑީ ސަޖިދާ ވިދާޅުވީ މަންމައިން ކުރައްވާ އަގުހުރި ގުރުބާނީތަކަށް އެންމެ މަތިވެރި ދަރުމައާއި ސަވާބަށް އެދި ދުއާކުރައްވާ ކަމަށެވެ. އަދި މަންމައިންނަށް މި އުފާވެރި ދުވަހުގެ މަރުހަބާއާއި ޝުކުރު ދަންނަވާ ކަމަށްވެސް ވިދާޅުވިއެވެ.
މަންމައިންގެ ދުވަހާ ގުޅިގެން ރާއްޖޭގެ ގިނަ ފަރާތްތަކުން މަންމައިންނަށް ހެޔޮއެދުމުގެ މެސެޖުތައް ފޮނުވަމުންދާއިރު، ފަސްޓް ލޭޑީގެ މި މެސެޖަކީވެސް މަންމައިންގެ ލޯބީގެ މުހިންމުކަން ފާހަގަކޮށް، އެ ބޭފުޅުންގެ ގުރުބާނީއަށް ޝުކުރުވެރިވުމުގެ ގޮތުން ދެއްވާފައިވާ މެސެޖެކެވެ.
