އިބުރާ- ފޮޓޯ: ސީއެންއެމް
ސުޕްރީމް ކޯޓު ހުއްޓިފައި އޮތް މައްސަލަ ފަނޑިޔާރުން މަޖިލިސްއަށް
މުހައްމަދު އާދަމް އަހްމަދު
14 މޭ 2025 - 10:17:28
ސުޕްރީމް ކޯޓުގެ ތިން ފަނޑިޔާރަކު ސަސްޕެންޑު ކުރުމަކީ އެ ކޯޓު ހިންގުން ހުއްޓުވާލުން ކަމަށް ވިދާޅުވެ، އެ ކޯޓު ހިންގޭނެ ގޮތެއް ހަދައިދިނުމަށް އެދި ރައްޔިތުންގެ މަޖިލިހުގެ ކުރީގެ މެމްބަރު އިބްރާހިމް އިސްމާއިލް (އިބްރާ) ސުޕްރީމް ކޯޓަށް ހުށަހެޅި ދުސްތޫރީ މައްސަލަ އެ ކޯޓުގެ ފަނޑިޔާރުންގެ މަޖިލީހަށް ހުށަހަޅައިފިއެވެ.
Advertisement
ސުޕްރީމް ކޯޓު ހިންގުން ހުއްޓިފައިވާތީ އިބްރާހިމް އިސްމާއިލް ސުޕްރީމް ކޯޓަށް ހުށަހެޅި ދުސްތޫރީ މައްސަލަ ބަލައިނުގަތުމަށް އެ ކޯޓުން ވަނީ ނިންމާފައެވެ.
ސުޕްރީމް ކޯޓުގެ ފަނޑިޔާރުންގެ މަޖިލީހަށް މައްސަލަ ހުށަހެޅުމަށް ފަހު، އުއްތަމަ ފަނޑިޔާރު މުއުތަސިމް އަދުނާނަށް އިބްރާ ފޮނުއްވި ސިޓީއެއްގައި ވިދާޅުވީ ސުޕްރީމް ކޯޓުގެ ދެ ފަނޑިޔާރުން ވަކިކުރުމުގެ މައްސަލަ މިހާރު ހިނގަމުންދާ ގޮތަށް ބަލާއިރު ކުރިމަތީގައި އޮތް ނުރައްކަލުން ގައުމު ސަލާމަތް ކުރެވެން އޮތީ ދުސްތޫރީ މައްސަލަ ބަލައި، ގޮތެއް ކަނޑައަޅައިގެން ކަމަށެވެ.
" އަޅުގަނޑު ދެކޭ ގޮތުގައި އެންމެ ކުޑަމިނުން ފަނޑިޔާރުން ވަކިކޮށް ނިމުމުގެ ކުރިން މި މައްސަލައިގައި ފާހަގަކޮށްފައިވާ ގާނޫނީ ސުވާލުތައް ސުޕްރީމް ކޯޓުގެ ޝަރީއަތުގެ މަޖިލީހުގައި އަޑުއެއްސުވުމަކީ ރައްޔިތުންގެ ހައްގު އަދާކުރުމަށްޓަކައި ސުޕްރީމް ކޯޓުން ކޮންމެހެން ކުރެއްވުން ލާޒިމް ކަމެއް،" އިބްރާގެ ސިޓީގައިވެއެވެ.
އިބްރާ އުއްތަމަ ފަނޑިޔާރަށް ފޮނުވި ސިޓީގައި ވަނީ އެ މައްސަލައާ މެދު މިއަދުން މިއަދަށް ގޮތެއް ނިންމޭނެ މަގެއް އޮތް ނަމަ އެ މަގެއް ދައްކަވައި ދެއްވުމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
