މިކަން ފާހަގަކުރައްވާފައިވަނީ ޑަބްލިއުއެޗްއޯގެ އާ ރެޕްރެޒެންޓެޓިވް މިސް ޕައިޑެން ފޮރިން މިނިސްޓަރަށް ލެޓާ އޮފް ކްރެޑެންސް ހުށަހެޅުއްވުމަށް ބޭއްވުނު ބައްދަލުވުމުގައެވެ.
ބައްދަލުވުމުގައި ފޮރިން މިނިސްޓަރު ވަނީ ރާއްޖޭގައި ދުންފަތުގެ އިސްތިއުމާލު ކޮންޓްރޯލްކުރުމަށް ސަރުކާރުން އަޅުއްވާފައިވާ މުހިންމު ފިޔަވަޅުތައް ވެސް ފާހަގަކުރައްވާފައެވެ. މިގޮތުން، ދުންފަތް ކޮންޓްރޯލްކުރުމުގެ ގާނޫނަށް ފުރަތަމަ އިސްލާހު ގެނައުމާއި، 1 ޖެނުއަރީ 2007 ގެ ފަހުން އުފަންވާ މީހުންނަށް ދުންފަތުގެ އިސްތިއުމާލުކުރުން މަނާކުރުމަށް ނިންމާފައިވާ ސަރުކާރުގެ ނިންމުން ވެސް ފާހަގަކުރެއްވިއެވެ.
މިއަހަރަކީ ރާއްޖޭގައި ޑަބްލިއުއެޗްއޯގެ އޮފީހެއް ގާއިމުކުރެވުނުތާ 60 އަހަރު ފުރޭ އަހަރެވެ. ޑަބްލިއުއެޗްއޯއިން މި އޮފީސް ގާއިމުކޮށްފައިވަނީ 1965 ވަނަ އަހަރުއެވެ. ބައްދަލުވުމުގައި، ޑަބްލިއުއެޗްއޯއިން ރާއްޖޭގެ ހެލްތު ސެކްޓަރ ތަރައްގީކުރުމުގައި އަދާކޮށްފައިވާ މުހިންމު ދައުރު ފޮރިން މިނިސްޓަރު ފާހަގަކުރެއްވިއެވެ. އަދި ބަލިތައް ކޮންޓްރޯލްކުރުމާއި، ހެލްތުކެއަރއަށް ވާސިލުވުމުގެ ފުރުސަތު އިތުރުކުރުމާއި، ހެލްތު އިމަޖެންސީތަކަށް އިޖާބަދިނުމުގެ ގާބިލުކަން އިތުރުކުރުމުގައި ކުރެވިފައިވާ މަސައްކަތްތައް ވެސް ފާހަގަކުރެއްވިއެވެ. ޑަބްލިއުއެޗްއޯގެ އައު ރެޕްރެޒެންޓެޓިވް މިސް ޕައިޑެން ވަނީ އޭނާގެ މަގާމުގެ މުއްދަތުގައި ރާއްޖޭގެ ހެލްތު ސެކްޓަރ އިތުރަށް ތަރައްގީކުރުމަށް ސަރުކާރަށް ޑަބްލިއުއެޗްއޯއިން އެހީތެރިކަން ފޯރުކޮށްދޭނެކަމުގެ ޔަގީންކަން ދެއްވާފައެވެ.
